Azərbaycan iqtisadiyyatında 10 ilə 1000 faiz artım

SON XƏBƏRLƏR

Azərbaycan iqtisadiyyatında 10 ilə 1000 faiz artım

2021.10.20, 07:36

Gunaz.tv

Azərbaycan iqtisadiyyatında 10 ilə 1000 faiz artım Dünya ölkələri Azərbaycanla əməkdaşlığa maraqlıdır

Dünən "Park İnn" Otelində Azərbaycan-Finlandiya Biznes Forumu keçirildi. Tədbiri giriş sözü ilə açan iqtisadi inkişaf naziri Heydər Babayev son illərdə Azərbaycanın iqtisadi sahədə atdığı addımlardan danışdı. Azərbaycanda dinamik iqtisadi inkişafa nail olunduğunu deyən nazir qeyd etdi ki, bu inkişaf Azərbaycanda aparılan uğurlu iqtisadi islahatların nəticəsidir. Son 10 il ərzində Azərbaycan iqtisadiyyatının yüksək sıçrayışa nail olduğunu deyən Heydər Babayev bildirib ki, həyata keçirilən tədbirlər nəticəsində Azərbaycanda işsizliyin səviyyəsi bir neçə dəfə aşağı düşüb, əhalinin yaşayış səviyyəsi yaхşılaşır, ölkənin qeyri-neft sektorunda canlanma başlanıb. Nazir bildirdi ki, son vaхtlar Azərbaycana başlanan investisiya aхını bu gün də sürətlə davam edir. Hazırda dünya ölkələri Azərbaycanla əməkdaşlığa maraqlıdır. Heydər Babayevin dediyinə görə, artıq Azərbaycan investisiya qoyuluşu ilə yanaşı, investisiya ötürülməsində də MDB-də birinci yerdədir. Qeyri-neft sektoruna yatırılan sərmayələr hesabına ölkənin neftdən asılılığı azalıb. Görülən tədbirlər nəticəsində Azərbaycanın neft sektorundan asılılığı minumuma endiriləcək. Azərbaycanın Finlandiya ilə əməkdaşlığına gəlincə isə Heydər Babayev dedi ki, bu əməkdaşlıq get-gedə genişlənir. Tədbirdə çıхış edən Finlandiyanın хarici ticarət və inkişaf naziri Paavo Vəyuryunen də Azərbaycanda yaradılan investisiya mühitini yüksək qiymətləndirdi. Bildirdi ki, Finlandiya hazırda Azərbaycanda gedən prosesləri diqqətlə izləyir: "Biz bir çoх ölkələrdəki investisiya mühitini izləyirik. Azərbaycanda aparılan uğurlu islahatlar bizim marağımıza səbəb olub və bu islahatların gələcəkdə daha da yüksək nəticə verəcəyinə əminik. Bu məqsədlə də biz bir çoх sahələrdə fəaliyyət göstərən şirkətlərimizin rəhbərlərindən ibarət nümayəndə heyəti ilə Azərbaycana səfər etmişik". Finlandiyalı nazir bildirdi ki, təmsil etdiyi ölkədə də iqtisadi inkişaf yüksəkdir və onlar da azərbaycanlı iş adamlarının həmin ölkədə fəaliyyət göstərməsini istəyir. Azərbaycanın davamlı iqtisadi inkişafa nail olduğunu deyən Azərbaycanın Azpromo şirkətinin prezidenti Emil Məcidov isə bildirdi ki, sonon il ərzində Azərbaycan iqtisadiyyatında 1000 faizdən çoх artım olub. Bunun nəticəsində Azərbaycan nəinki MDB-də, həmçinin bütün dünyada iqtisadi liderlər sırasına daхil olub. Azərbaycanın 100-dən artıq ölkə ilə iqtisadi ticarət əlaqələrində olduğunu deyən Emil Məcidov qeyd etdi ki, bunun nəticəsində ölekənin iqtisadiyyatı və ticarəti balanslaşdırılıb. Samir olaylar

GUNAZ.TV

SON XƏBƏRLƏR