"Sərhədlərinizə sahib çıxın" Rəsmi Ankara İraq və ABŞ-a mesaj göndərib Washington Post: "Bu il PKK-nın terror hücumları nəticəsində Türkiyənin üzləşdiyi əsgər itkilərinin sayı İraqda ABŞ qüvvələrinin uğradığı itkilərdən çoxdur" Göytürk Rəsmi Ankara İraqın mərkəzi hökumətinə və bu ölkədəki kolisiya qüvvələrinə rəhbərlik edən ABŞ-a "sərhədinizə sahib çıxın" mesajını göndərib. Diplomatik qaynaqların verdiyi məlumata görə, Həkkarinin Ağtütün bölgəsində 15 türk əsgərinin şəhid olmasıyla nəticələnən terror hücumunun təşkilatçılarının yaxalanması, bundan sonra bənzər hücumların təkrarlanmaması üçün rəsmi Ankara İraq və ABŞ-dan hər cür addım atılmasını istəyib. Bu tələbi Türkiyənin Bağdaddakı səfiri Dərya Kanbay İraq Xarici İşlər Nazirliyinə çatdırıb. Diplomatik qaynaqlar Vaşinqtondakı Türkiyə səfirliyi vasitəsilə ABŞ-da danışıqların davam etdiyini açıqlayıb. Hücumların İraqın şimalından düzənlədiyini vurğulayan diplomatik qaynaqlar rəsmi Ankaranın tələbinin belə olduğunu söyləyiblər: "Həm İraqa, həm də işğal güc olması dolayısıyla ABŞ-a "sərhədlərinizə sahib çıxın" deyirik". Terrorçu PKK-nın Aktütün sərhəd məntəqəsinə terror hücumu, türk ictimai rəyinin buna təpkiləri xarici mətbuatının gündəmindədir. "Washington Post" qəzeti hökumətin terror hücumlarının qarşısını ala bilməməsi ictimai rəyi qəzəbləndirdiyini yazır. Şəhid olan türk əsgərlərinin cənazə törənlərinə qatılan prezident Abdulla Gül və baş nazir Rəcəb Tayyib Ərdoğana ictimaiyyətin təpki göstərdiyini qeyd edən qəzet bildirir: "Öldürücü hücumlar xüsusən Rəcəb Tayyib Ərdoğanın başında durduğu, islamçı kökləri səbəbindən dünyəvi əsgərlərin etibar etmədiyi iqtidardakı Ədalət və İnkişaf Partiyası üçün problem yaradır. Hökumət isə terrorçularla mücadilə məsələsində özünün ordu kimi qərarlı olduğunu göstərməyə çalışır". Ötən əsrin sonlarından başlayaraq PKK-nın həyata keçirdiyi terror aksiyaları nəticəsində 40 mindən çox insanın həlak olduğu, amma indi bu itkilərin sayının 1980-1990-cı illərə nisbətən xeyli azaldığını bildirən qəzet yazır: "Bu il PKK-nın hücumları nəticəsində Türkiyənin üzləşdiyi əsgər itkilərinin sayı İraqdakı şiddət nəticəsində ABŞ qüvvələrinin uğradığı itkilərdən çoxdur". "Washington Post" Türkiyənin qəzəbinin İraqın mərkəzi hökuməti üçün bir diplomatik problem yaratdığını vurğulayıb. İngilis "Financial Times" qəzeti şəhid olan əsgərlərə yas tutmaq üçün minlərlə insanın küçələrə töküldüyünə diqqət çəkərək "Türkiyənin hərbi və mülki liderləri kürd terrorçularının aylardan sonra gerçəkləşdirdiyi ən qanlı hücuma cavab vermələri üçün ciddi bir təzyiqlə üzləşəcək"-deyə vurğulayıb. Türkiyənin İraq rəsmilərinə təzyiq göstərməsinin gözləndiyini bildirən "Financial Times" yazır "Ancaq hökumət İraqdakı kövrək təhlükəsizlik vəziyyətini gərginləşəcəyindən, qeyri-sabitliyin yaranmasından qorxan ABŞ və Avropa Birliyi müttəfiqlərilə əlaqələri gərginləşdirə biləcək sərhəd ötəsi əməliyyata başlamaq çağırışlarıyla qarşı-qarşıya qalacaq. Duyğular bu qədər həssas ikən hökumətin PKK ilə yaşanan problemə qalıcı çözüm tapması çətinləşəcək. "Financial Times" PKK-nın terror hücumunun Anayasa Məhkəməsinin DTP hakkındaki qapatma tələbini incələdiyi bir mərhələylə üst-üstə düşməsinə də diqqəti çəkir. Oktyabrın 4-5-də Türkiyə-İraq sərhədindəki Aktütün zastavasına PKK terrorçularının hücumundan sonra itkin düşmüş 2 türk əsgərinin aqibəti məlum olub. Dünən "France-Presse" agentliyi 2 türk əsgərinin meyitinin PKK-nın əlində olduğu barədə informasiya yayıb. Bu informasiyanı agentliyə PKK-çılar veriblər. Beləliklə, oktyabrın 4-5-də Türkiyənin cənub-şərqində yerləşən Hakkari bölgəsinin Şəmdinli qəsəbəsi ərazisindəki Aktütün sərhəd zastavasında PKK terrorçuları ilə toqquşmada şəhid olan türk hərbçilərinin sayı 17-yə çatıb. xalqcebhesi