Bakıda ən hündür bayraq qülləsi olacaq Azərbaycan bayrağı Bir neçə həftədən sonra Azərbaycan paytaxtı Bakı dünyanın ən uzun bayraq dirəyinə malik olacaq. Hərçənd tikintisinə 2-4 milyon dollar arası xərclənmiş bu qüllə rekordu yalnız bir-neçə ay saxlaya biləcək. Çünki dünyada, ələlxüsus da, Yaxın Şərqdə "qonşu-qonşuya baxar" zərb-məsəli ilə yaşayanlar az deyil. BBC Azərbaycan Xidmətinin redaktoru Yohannes Dell bu qülləni tikən şirkətin meneceri Dayvid Çəmberslə (David Chambers) söhbət edib. "Bildiyiniz kimi bunun hündürlüyü 162 metrdir. Bünövrənin diametri 4 metrdən bir qədər azdır. Lakin zirvə tam bir metr diametrindədir. Xas poladdan olan dor ağacının ağırlığı isə 300 tondur. Bayraq dirəyi üçün bu qədər polad əlbəttə ki, çoxdur. Sual: Deməli bu dirəkdən daha çox qüllə sayıla bilər? "Hə də...Bu bünövrəsi bir ikiotaqlı ev olan bir qüllədir. Özü də sahə genişdir. İçəridə zirvəyədək uzanan nərdivan var. Hər on iki metrdən bir istirahət hücrələri qoyulub. Çöl tərəfdən isə bir növ liftə bənzəyən qaldırıcı qoyulub. Bu mexanizm iki nəfəri yerdən qüllənin ucuna qaldırır." Sual: Yaxşı bəs bu boyda qurğunu necə inşa edəcəksizniz. "Hər şey artıq Dubaydakı emalatxanada quraşdırılıb. Biz Dubaydakı ən iri polad istehsalçılarından biri ilə partnyoruq. Onlar bizim dizaynımızın əsasında bayraq dirəklərini qururlar. İndi qalır bu dirəyin hissəslərini daşımaq. Daşıma üsulu müxtəlifdir. Baxır, dirək hara gedir. Azərbaycana dirək dəniz ilə daşınacaq. Sonra İran ərazisi ilə maşınlarda, və beləliklə Azərbaycana gətiriləcək. Tikinti sahəsində biz 550 tonluq qaldırıcı krandan istifadə edəcəyik. Bu yəqin ki, Bakıda ən iri krandır. Həm də hökumət bu kranı yalnız elə bu iş üçün alıb. Əlbəttə, onlar sonradan bu krandandan başqa layihələrin icrası üçün də istifadə edəcəklər. Bu kran olmasa idi əlbəttə belə bir bayraq dirəyini qurmaq olmazdı." Sual: Siz bir neçə belə bayraq qüllələri qurmusunuz. Yaxın Şərqdə, Türkmənistanda və ya keçmiş Sovet məkanında. Sizcə bu hökumətləri belə bir hündürlük yarışına girməyə nə vadar edir? Bu, nə deməkdir, yəni məınimki səninkindən daha hündürdü? "Mənə belə gəlir ki, dərinə gedəndə, elə siz deyən məsələdir. Birincisi bizim işlədiyimiz ölkələr olduqca vətənpərvərdirlər. Üstəlik də neft pul gətirir. Varlığa nə darlıq. Amma mən müştərilərimə və ya potensial müştərilərimə həmişə deyirəm. Əsas hündürlük rekordu deyil. Elə 100 metrli bayraq da əla görünür. Əgər milli qürur hissini nümayiş etdirmək istəyirsənsə, burda rekord əsas olmamalıdır. Amma bilirsiziniz bir qayda olaraq bu oğlanlar rəqabət bazıdırlar." Sual: Belə başa düşmək olar ki, siz artıq limitə çatırsız, yəni daha bir neçə ölkə müraciət edəndən sonra, bu bayraq dirəklərinin hündürlüyünü artıqrmaq mümkün olmayacaq, elə deyilmi? "Məsələ belədir də - biz belə bir qərara gəlmişik ki, bizə müraciət edən hər bir yeni müştəri üçün tikiləcək qüllə bundan əvvəlki çüştəriyə ucaldılan qüllədən bir 1 metr yüksək olacaq. Bilirsinizmi, biz bütün bayraqların necə deyərlər ana bayraq qulləsini inşa etmişik, və ondan sonra 220, 230 metr hündürlüyə qədər irəliləyə bilərik. İlk bayraq qülləsinin hündürlüyü 162 metr idi. İndi özünüz hesablayın - hər yeni bayraq qülləsi 1 metr yüksək olacaqsa, biznesimiz üçün hələ kifayət qədər imkanlar qalır." Sual: Yaxşı, bəs bütün bu işlərin xərcləri nə qədərdir? "Konkret sifarişin tələblərindən asılı olaraq, sözü gedən dor dirəyi haradasa 2 yarım milyonla 4 milyon dollar arasında məbləğə başa gələcək. Çünki biz yüksək keyfiyətli kamera sistemləri təklif edirik, Azərbaycan layihəsi üçün biz qüllənin başında bir neçə milyonluq lazer sistemi qurmağa hazırlaşırıq ki, bunun hesabına Bakıda gecə səmasında lazer şüaları şousunu seyr etmək mümkün olacaq. Bir sözlə, kifayət qədər başqa variantlar da var, müş.təri özü seçməlidir. Lakin ümumiyyətcə, xərclər haradasa 2ş5 - 4 milyon dollar arasında olacaq." Sual: Və zövq baxımından, estetika normalarına görə bu yeni layihə Bakının landşaftına, ənun qədim hissəsinin özünəməxsus arxitekturasına necə uyuçacaq? "Onlar, yəni Azərbaycanlılar bunu ediblər - bayraq dirəyini və ya qülləsini onlar şəhərin mərkəzinə yaxın olan keçmiş donanma bazalarının birinin ərazisində yerləşdirmək istəyirlər. Bizim qulaqlarımıza çatan söz-söhbətlərə görə, onlar həmnin dəniz donanması bazasını və ətraf infrastrukturu Bayıla köçürmək istəyirlər. Həmin yerdə isə, dəniz kənarında ucalacaq bayraq qülləsinin ətrafında yeni hotellər, restotranlar və evlər tikmək istəyirlər. Yəni, o, ərazi bir növ bayraq meydanı ətrafında yaranacaq yeni rayonunun mərkəzinə çevriləcək." Sual: Yaxşı, indi deyin görək, Bakı nə qədər dünyanın ən uca bayraq qülləsinin sahibi qala biləcək? "Haradasa, bir neçə ay müddətində Bakı ən uca bayraq qülləsinin sahibi kimi qala biləcək. Mən həmin növbəti ölkənin adını çəkməyəcəm, çünki hazırda onunla kontrakt danışıqları gedir. Amma indininözündə artıq daha 5 ölkə necə deyərlər növbəyə durublar. Onlardan 3-ü Yaxın Şərq ölkəsidir biri - Şimali Amerika, və daha biri isə Cənubi Amerikdadaır."bbc