ERMƏNİSTAN AZƏRBAYCANI SİFARİŞLİ QƏTLDƏ İTTİHAM ETDİ

SON XƏBƏRLƏR

ERMƏNİSTAN AZƏRBAYCANI SİFARİŞLİ QƏTLDƏ İTTİHAM ETDİ

2021.10.20, 07:36

Gunaz.tv

ERMƏNİSTAN AZƏRBAYCANI SİFARİŞLİ QƏTLDƏ İTTİHAM ETDİ Politoloq Levon Məlik-Şahnazaryanı öldürmək istəyən iki erməni rəsmi Bakıdan göstəriş və pul alıbmış?

Ermənistanın Baş Prokurorluğu politoloq Levon Məlik-Şahnazaryana qarşı sui-qəsd cəhdi ilə bağlı cinayət işini dünən məhkəməyə göndərib. Prokurorluğun rəsmi ittihamında deyilir ki, bu ilin aprelində Məlik-Şahnazaryanı öldürmək istəyən iki erməni Azərbaycan hakimiyyətindən sifariş alıb. “Novosti Armenia” agentliyinin xəbərinə görə, ittiham aktında deyilir ki, bu il aprelin 28-də A.Ağababayan və Q.Koncaryan Gürcüstanın Marneuli rayonunda milliyyətcə azərbaycanlı olan Əhən adlı şəxslə görüşüb. Ondan Məlik-Şahnazaryanı “Azərbaycan rəhbərliyi haqqında internet saytlarında etdiyi çıxışlara və ölkənin siyasətini tənqid edən açıqlamalarına görə” öldürmək haqda sifariş alıblar. Bu iş üçün onlara 10 min dollar vəd edilib, planı həyata keçirmək üçün isə bəri başdan 500 dollar verilib. Ağababayan və Koncaryan bu təklifə razılaşıblar. Bir neçə gündən sonra onlar Məlik-Şahnazaryanın mobil telefonunu, iş yerini və evinin ünvanını müəyyən ediblər. Hazırlıq işlərindən sonra onlar tanışlarından barabanlı tapança əldə ediblər. Aprelin 23-də Ağababayanla Koncaryan Məlik-Şahnazaryanın yaşadığı Kotaysk rayonunun kəndinə gediblər. Ağababayan əraziyə nəzarət edib, Koncaryan isə hasardan keçərək üç metr məsafədən Məlik-Şahnzaryanın oturduğu otağa atəş açıb. Ancaq güllə pəncərənin metal çərçivəsinə dəyib və istiqamətini dəyişib. “Ağababayan və Koncaryan öz planlarını həyata keçirə bilməsələr də aprelin 29-dan mayın 7-dək Məlik-Şahnzaryana müntəzəm olaraq zəng edərək ondan açıqlama və çıxışlarını dayandırmağı tələb ediblər, əks halda öldürüləcəyini deyiblər. Məlik-Şahnazaryan isə bu danışıqları telefona yazıb”- deyə ittiham aktında bildirilir. Prokurorluq iddia edir ki, istintaq Məlik-Şahnazaryana qarşı sui-qəsd cəhdinin onun peşə fəaliyyəti ilə bağlı olduğunu sübuta yetirib. Qeyd edək ki, L.Məlik-Şahnazaryan əslən Gəncə ermənisidir, Dağlıq Qarabağda separatçı fəaliyyətdə iştirak edib, hazırda Ermənistanda politoloq kimi fəaliyyət göstərir və Azərbaycana qarşı xüsusi düşmənçiliyi ilə tanınır. Məlik-Şahnazaryan həqiqətən də Rusiya və Ermənistan KİV-ində Azərbaycan və onun rəhbərliyi haqqında sərsəm iddialarla çıxış edib, lakin o, Ermənistanın özündə qeyri-ciddi adam kimi tanınır. Bu baxımdan Ermənistan hüquq-mühafizə orqanlarının Məlik-Şahnazaryanı öldürmək istəyən iki erməninin bu iş üçün Azərbaycandan 500 dollar alması haqda iddiasının siyasi təbliğat məqsədi güddüyünə şübhə yoxdur. Siyasət şöbəsi musavat

GUNAZ.TV

SON XƏBƏRLƏR