Contact Us

SON XƏBƏRLƏR

Rusiya və Gürcüstan dolayısı ilə diplomatik əlaqələri bərpa etməyə hazırlaşır

2021.10.20, 07:36
Rusiya və Gürcüstan dolayısı ilə diplomatik əlaqələri bərpa etməyə hazırlaşır

Gunaz.tv
Rusiya və Gürcüstan dolayısı ilə diplomatik əlaqələri bərpa etməyə hazırlaşır rus_xin_bina.jpg Bu məqsədlə hər iki ölkə dünyanın neytral dövləti olan İsveçrəyə müraciət edib Rusiyanı Gürcüstanda bitərəf İsveçrə səfirliyi təmsil edəcək. Artıq İsveçrə diplomatik nümayəndəliyi də xoş məram nümayiş etdirərək Rusiyanı Gürcüstanda təmsil etməyə hazır olduğunu bildirib. Rusiya Xarici İşlər Nazirliyindən verilən məlumata görə, İsveçrə səfirliyi Moskvanı təmsil etməyə məmnuniyyətlə razılaşıb. Qeyd edək ki, söhbət İsveçrə səfirliyi daxilində Rusiya şöbəsinin yaradılmasından gedir. Bundan əvvəl Gürcüstan İsveçrəyə analoji müraciət edərək Rusiyada maraqlarının bu səfirlik vasitəsilə qorunmasını istəmişdi. Xatırladaq ki, Rusiya ilə Gürcüstan arasında hərbi qarşıdurmadan sonra iki ölkə arasında diplomatik əlaqələr kəsilib. Daha sonra isə tərəflər əlaqələrin kəsilməsinin sadə insanların həyatına mənfi yöndə təsir etdiyini etiraf etməli olublar. Hər iki ölkə arasında rəsmi olaraq səfirliklərin fəaliyyətinin dayanması barədə qərar qüvvəyə minəndən sonra Rusiya və gürcü vətəndaşları çoxsaylı hüquqi məsələlərin həll edilməsinə nail ola bilmirlər. Bunu nəzərə alaraq mənfi halların minumuma endirilməsi istiqamətində Rusiya da artıq dünya təcrübəsindən mövcud olan bu praktikadan istifadə edərək öz maraqlarını Gürcüstanda İsveçrə səfirliyi vasitəsilə həyata keçirmək qərarına gəlib. Yaxın günlərdə İsveçrə-Rusiya ekspertləri birgə məsləhətləşmələr aparacaq və bundan sonra münasibətlər rəsmiləşdiriləcək. Qeyd edək ki, İsveçrə beynəlxalq ictimaiyyətdə fəal iştirakına baxmayaraq uzun illərdir ki, siyasi və hərbi bitərəflik ənənəsinə malikdir. /ANS TV/

SEÇİLMİŞ XƏBƏRLƏR

Çox oxunanlar