ABŞ səfiri "erməni soyqırımı" demədi Ermənipərəst senator Robert Menendezin israrlarına baxmayaraq, Birləşmiş Ştatların Türkiyədəki yeni səfiri Ceyms Cefri 1915-ci ildə baş vermiş olayları "zorla sürgünə göndərmə" adlandırdı ABŞ-ın yeni səfiri Ceyms Cefri Türkiyəyə gəlməmişdən öncə Senatın Xarici Əlaqələr Komitəsində çıxış edib. Ermənipərəst senator Robert Menendezin suallarına, sıxışdırmasına baxmayaraq Ceyms Cefri 1915-ci il hadisələriylə bağlı danışarkən "soyqırım" sözündən istifadə etməyib və əvvəllər bəzi ABŞ rəsmilərinin dilə gətirdiyi "etnik təmizləmə" ifadəsindən də yayınıb. Göytürk Demokrat senator Con Kerrinin idarə etdiyi iclasda senator Robert Menendez "Türkiyə özü "soyqırımı" qəbul edərsə, ABŞ nə etməlidir?"-deyə soruşub. Səfir Cefri "Buna bütün faktorları nəzərə alaraq ABŞ rəhbərliyi qərar verir"-söyləyib. Qeyd edək ki, Xarici Əlaqələr Komitəsinin sədri, Demokrat Partiyasının sədr müavini Coe Biden, komitə üzvü, senator Barak Obama iclasa qatılmayıb. ABŞ diplomatı türk-erməni yaxışlaşmasına müsbət təsir göstərəcək bütün cəhdləri dəstəkləyəcəklərini vurğulayıb. O, Türkiyənin şərtsiz olaraq Ermənistanla sərhədinin açmasına və bu ölkəylə əlaqələr qurmasına tərəfdar olduğunu açıqlayıb. Cefri 1915-ci il olaylarından bəhs edərkən "zorla sürgünə göndərmə" ifadəsini işlədib. Menendez bu ifadənin başqa ABŞ rəsmilərinin "etnik təmizləmə" sözündən də zəif olduğunu bildirib. Səfir Cefri ABŞ siyasətini ortaya qoyan digər yetkililərin açıqlamalarını dəstəklədiyini söyləsə də yenə "etnik təmizləmə" terminindən istifadə etməyib. Səfir keçmişlə müqayisədə Türkiyə-Ermənistan münasibətlərinin indi daha yaxşı olduğunu bildirib: "Türkiyə prezidenti Ermənistana səfər edib və iki ölkə arasında yüksək səviyyəli görüşlər keçirilir. Bununla yanaşı, 70 min Ermənistan vətəndaşı Türkiyədə işləyir, iki ölkə arasında intensiv təyyarə uçuşları reallaşdırılır". ABŞ-ın Türkiyənin Avropa Birliyinə üzvlüyünü güclü şəkildə dəstəklədiyini deyən Ceyms Cefri "Həqiqətən də iqtidardakı AKP ölkənin Avropa Birliyinə üzvlüyü üçün lazım olan siyasi və iqtisadi islahatları həyata keçirir, ümid edirik ki, bu proses davam edəcək. Terrorçu PKK-ya qarşı mübarizədə Türkiyəyə kəşfiyyat dəstək verdiklərini və bunun davam edəcəyini açıqlayan diplomat baş nazir Rəcəb Tayyib Ərdoğanın Bağdada, İraqın prezidenti Cəlal Tələbaninin Türkiyə səfərlərinin əlaqələrdə mühüm irəliləyiş olduğunu bildirib. Artıq həm rəsmi Bağdadın, həm də Şimali İraqdakı kürdlərin PKK-nı terrorçu saydıqlarını vurğulayıb. Kipr məsələsində Robert Menendezin Türkiyənin adadan qoşunu çəkib-çəkməməsinin gərəkdiyi haqqında sualı cavablandıran Ceyms Cefri "Biz tərəflər arasında uzlaşmağa yönəlik addımları görməkdən məmnunluq duyarıq, bura qoşunları çəkmək də daxildir". Cefri Türkiyənin 2004-cü ildə Annan planını qəbul edərək anlaşma əldə olunduğu təqdirdə qoşunlarını adadan çıxarmağa razılaşdığını xatırladıb. Senator Kerrinin Kıbrıs məsələsində ordunun rolu barədə sualını cavablandıran Ceyms Cefri Türk ordusunun milli təhlükəsizlik məsələsində söz sahibi olduğunu bəyanlayıb. Diplomat Xarici Əlaqələr Komitəsinə təqdim etdiyi çıxışının yazılı mətnində də 2003-cü ildə İraqın işğalı zamanı pozulan Türkiyə-ABŞ münasibətlərində ötən il önəmli irəliləmələr əldə olunduğunu bildirib: "Birincisi prezident seçkisilə bağlı meydan oxumalar erkən seçimlə sonuclandı, Türkiyə demokratiyası bir imtahandan keçdi. Nəticədə bu seçkilər baş nazir Rəcəb Tayyib Ərdoğanın AK Partiyasının güclənməsinə gətirib çıxardı. İkincisi, ABŞ bölgədə böyüyən PKK təhdidinə cavab verdi". Türkiyənin Gürcüstandakı müharibəyə sürətli reaksiya verdiyini anladan Ceyms Cefri "Ankaradan Gürcüstanda sülh, sabitlik və azadlığı inkişaf etdirmək üçün irəli sürdüyü Qafqaz Əəməkdaşlıq və Sabitlik Platformasının Avropa-Atlantik toplumunun cəhdləriylə necə bütünləşdirə biləcəyinə dair düşüncələrini gözləyirik"-deyə açıqlayıb. Cefri İraqdakı vəziyyətin yaxşılaşmasına kömək edən Türkiyənin Əfqanıstanda da önəmli rol oynadığını vurğulayıb. İranın nüvə silahı istehsal etmək cəhdlərindən rəsmi Ankaranın narahat olduğunu söyləyən diplomat İranın enerji sahəsinə xarici kapitalın qoyulmamasını vacib sayıb. Səfir Türkiyənin Avropa Birliyinə üzv olmaq cəhdlərinə tam dəstək verdiklərini, Türkiyə Cəza Qanununun 301-ci maddəsindəki dəyişikləri, kürd dili də daxil olmaqla, başqa dillərdə tele-radio yayınların genişlədilməsindən məmnun qaldıqlarını söyləyib. Heybeliada xristian ruhani məktəbinin açılması haqqında ABŞ-ın arzusunu yeniləyib. ABŞ Konqresi hələ də müzakirə olunan iqtisadi islahatlar paketinin qiymətləndirilməsindən sonra tətilə gedəcəyindən, Ceyms Cefrinin təyinatının tamamlanması "zamana qarşı yarış" sayılır. Təyanatın tətilə getmədən öncə bitirilməsinə çalışdığını açıqlayan senator Con Kerri komitə üzvlərinə Cefriyə yazılı suallar vermək üçün bir neçə saat verib. Qeyd edək ki, Ceyms Cefrinin Ankaraya ABŞ səfiri təyin olunması üçün onun namizədliyini əvvəlcə Senatın Xarici Əlaqələr Komitəsi, daha sonra isə Senat Şurası təsdiqləməlidir. İndiyədək ABŞ prezidenti Corc Buşun milli təhlükəsizlik məsələləri üzrə müaşavirinin köməkçisi olan Cefri ABŞ Xarici İşlər Nazirliyin işlədiyi dövrdə üç dəfə Türkiyədə çalışıb, Bağdadda müşavir, Albaniyada səfir kimi fəaliyyə göstərib. O, Birləşmiş Ştatların Azərbaycandakı keçmiş səfiri, Türkiyəki indiki səfiri Ross Uilsonu əvəzləyəcək. Hərbçi kökənli olan Cefri türk dilində yaxşı danışır.