Contact Us

SON XƏBƏRLƏR

KORRUPSİYA İTTİHAMLARI TÜRKİYƏDƏ HAKİM PARTİYANI BAĞLADA BİLƏR . “Financial Times”: “AKP-nin artıq təmiz partiya olmasına şübhələr yaranıb”

2021.10.20, 07:36
KORRUPSİYA İTTİHAMLARI TÜRKİYƏDƏ HAKİM PARTİYANI BAĞLADA BİLƏR . “Financial Times”: “AKP-nin artıq təmiz partiya olmasına şübhələr yaranıb”

Gunaz.tv
KORRUPSİYA İTTİHAMLARI TÜRKİYƏDƏ HAKİM PARTİYANI BAĞLADA BİLƏR “Financial Times”: “AKP-nin artıq təmiz partiya olmasına şübhələr yaranıb” 4934.jpg Türkiyədə hakim Ədalət və İnkişaf Partiyasının son günlər üzləşdiyi korrupsiya qalmaqalları hökumətlə dünyəvilik tərəfdarı müxalifət arasında siyasi gərginliyin yeni mərhələsini başladıb. Türkiyədə baş verənləri şərh edən “The Financial Times” qəzeti yazır ki, baş nazir Rəcəb Tayyib Ərdoğanın yaxın ətrafının da adı qarışdığı korrupsiya qalmaqalları iqtidar partiyasının təmiz partiya imicini dağıdıb. Xəbər verildiyi kimi, AKP əvvəlcə baş nazirin müşaviri Şaban Dişlinin rüşvət alması faktı ilə üzləşib, daha sonra məlum olub ki, Almaniyadakı türklərdən din naminə humanitar fəaliyyətlər göstərmək adı altında çoxlu pul toplayaraq mənimsəyənlərin baş nazir və onun yaxın ətrafı ilə əlaqələri var. Almaniyanın Frankfurt məhkəməsində baxılmaqda olan Dəniz Fənəri adlı dərnəyin işi ilə bağlı sənədlərdə baş nazirin də adı keçir. Qəzet yazır ki, Almaniya məhkəməsi türklərdən toplanan pulların AKP-yə getdiyi haqda iddiaları sübut edəcək dəlillərə malik deyil, bununla belə AKP hökuməti müxalifətin sərt korrupsiya ittihamları ilə üzləşib. Bildirilir ki, partiya indiyədək özünü dürüstlük modeli kimi təqdim edirdi və adında ilk iki hərf onun təmiz imicə malik olmasının simvolu kimi qəbul olunurdu. Lakin baş nazir partiyasının adı qarışdığı korrupsiya qalmaqalları haqda yazan media holdinqin sahibi Aydın Doğanla çəkişməyə girərək bu iddiaları təkzib etmək əvəzinə, şübhələri daha da artırdı. “AKP-nin adının korrupsiya qalmaqallarına qarışması hakim partiyanın imicinə zərbə vurub. Çünki bu iddialar partiyanın əsas dəstəkçisi sayılan dindar kəsimdə məyusluq yaradıb”, - deyə məqalədə bildirilir. “The Financial Times” qeyd edir ki, AKP dünyəvilik əleyhinə fəaliyyətlərinə görə bu ilin yayında Konstitusiya Məhkəməsi tərəfindən bağlanmaq təhlükəsi qarşısında qalıb. Lakin Dəniz Fənəri dərnəyi ilə bağlı davam edən qalmaqal AKP-nin bu dəfə korrupsiya ittihamları əsasında bağlanması üçün Konstitusiya Məhkəməsində yeni iddianın qaldırılmasına səbəb ola bilər. Siyasət şöbəsi musavat

SEÇİLMİŞ XƏBƏRLƏR

Çox oxunanlar