Contact Us

SON XƏBƏRLƏR

TƏBRIZ ETTELAAT-DA SAXLANILAN TƏLƏBƏLƏRIN 7 NƏFƏRI HƏBSXANAYA APARILIB

2021.10.20, 07:36
TƏBRIZ ETTELAAT-DA SAXLANILAN TƏLƏBƏLƏRIN 7 NƏFƏRI HƏBSXANAYA APARILIB

Gunaz.tv
TƏBRIZ ETTELAAT-DA SAXLANILAN TƏLƏBƏLƏRIN 7 NƏFƏRI HƏBSXANAYA APARILIB yenitutulantelebeler.jpg DAK informasiya mərkəzinə Güneydən daxil olan məlumata əsasən 1 oktyabr 2008-ci il tarixində uzun müddət Təbriz ETTELAAT-da ağır işgəncələrə məruz qoyulan Təbriz Univeriset tələbələri və milli fəalların 7 nəfəri həbsxananı təknəfərlik kameralarına yerləşdirilib. Məlumatda bildirilir ki, soydaşlarımız həbs olunandan bugünə qədər ailələrilə görüşə bilməmişdilər, lakin bu gün soydaşlarımız ailələrilə yaxından görüşə biliblər. Görüş zamanı bildirmişlər ki, ETTELAAT təcridxanasında olduqları müddətdə hər gün ağır fiziki və ruhi işgəncələrə məruz qalıblar. 75 gün təknəfərlik kameralarda saxlanılan tələbələr və milli fəallar qondarma ittihamları qəbul etmədikləri üçün hər gün işgəncə olunublar. Təbriz həbsxanasının təknəfərlik kameralarına aparılan Məcid Makuyi, Aydın Xaceyi, Fəraz Zehtab, Əmir Mərdani, Daryuş Hatəmi, Məqsud Əhdi və Mənsur Əminiyanın fiziki işkəncələrə məruz qaldığı aşkar şəkildə görünüb. Xatırladaq ki, Səccad Radmehr hələdə ETTELAAT təcridxanasında saxlanır və ağır ışgəncələr nəticəsində çox ağır durumdadır. Ürək xəstəliyi və mədə qanaxmasından ciddi əziyyət çəkən soydaşımızın həyatı olduqca təhlükədədir. Beynəlxalq Əfv Təşkilatı 23 sentyabrda bəyanat verərək Təbrizdə həbs olunan milli fəallar və tələbələrin ışgəncə olduqlarından narahatlığını bildirmiş, onların dərhal azadlığını tələb etmişdir. dak

SEÇİLMİŞ XƏBƏRLƏR

Çox oxunanlar