Contact Us

SON XƏBƏRLƏR

KEÇMİŞ TƏRƏFDAŞINDAN ƏRDOĞANA AĞIR İTTİHAMLAR . AKP-dən istefa verən keçmiş dövlət naziri Abdullətif Şener baş nazirin korrupsiyada əli olduğunu açıqladı

2021.10.20, 07:36
KEÇMİŞ TƏRƏFDAŞINDAN ƏRDOĞANA AĞIR İTTİHAMLAR . AKP-dən istefa verən keçmiş dövlət naziri Abdullətif Şener baş nazirin korrupsiyada əli olduğunu açıqladı

Gunaz.tv
KEÇMİŞ TƏRƏFDAŞINDAN ƏRDOĞANA AĞIR İTTİHAMLAR AKP-dən istefa verən keçmiş dövlət naziri Abdullətif Şener baş nazirin korrupsiyada əli olduğunu açıqladı 5776.jpg Türkiyədə hakim partiya və onun rəhbəri, baş nazir Rəcəb Tayyib Ərdoğanın adının keçdiyi korrupsiya qalmaqalı böyüyür. Bu dəfə baş nazirə qarşı korrupsiya ittihamları müxalifətdən yox, AKP-dən bu yaxınlarda istefa verərək özünə partiya yaratmağa hazırlaşan keçmiş dövlət naziri Abdullətif Şenerdən gəlib. Vaxtilə AKP-ni quranlardan biri olan Şener deyib ki, baş nazir və onun yaxın ətrafı hazırda Almaniya məhkəməsi tərəfindən araşdırılan “Dəniz fənəri” dərnəyinin pulları ilə bağlı işin içərisindədir. Xəbər verildiyi kimi, bu dərnəyin Almaniyada yaşayan türklərdən din naminə xeyriyyəçilik fəaliyyətləri adı altında böyük məbləğdə pul toplandığı, ancaq həmin pulların qeyri-leqal yollarla Türkiyəyə gətirilib Ərdoğana və onun partiyasına verildiyi üzə çıxıb. İşi Almaniyanın Frankfurt məhkəməsi araşdırır. Şener deyib ki, baş nazir və ətrafı bu cinayət işinə görə məhkəmə qarşısında dayanan adamlarla əlbir olub. Ərdoğanın keçmiş tərəfdaşı deyib ki, baş nazir ittihamları ört-basdır etməyə çalışır və onun açıqlamaları ictimaiyyəti qane etməyə kifayət deyil. Onun bildirdiyinə görə, “Dəniz fənəri” dərnəyinin pulları hesabına qurulan iqtidarmeylli “Kanal 7” telekanlının qurucusunu vaxtilə baş nazirin qəbul otağında dəfələrlə görüb. Keçmiş dövlət naziri onu da deyib ki, AKP hökumətində irimiqyaslı layihələrlə bağlı tenderlər şəffaf keçirilmir və bu işdə korrupsiyaya yol verilir. Bu arada AKP-dən Yozqat millət vəkili Yaşar Öztürk partiyadan istefa verib. Onun Şenerin quracağı partiyaya qatılacağı gözlənilir. Məlumatlara görə, Şener AKP sıralarından 20-yə yaxın millət vəkilini öz sıralarına çəkməklə parlamentdə yeni quracağı partiyanın qrupunu formalaşdırmağa çalışır. Siyasət şöbəsi musavat

SEÇİLMİŞ XƏBƏRLƏR

Çox oxunanlar