Contact Us

SON XƏBƏRLƏR

QADINLARIN QURULTAYINDA ÇIXIŞ EDƏN MEHRİBAN ƏLİYEVA İNTERNAT MƏKTƏBLƏRİNDƏ UŞAQLARIN ÇOXALMASINDAN GİLEYLƏNİB

2021.10.20, 07:36
QADINLARIN QURULTAYINDA ÇIXIŞ EDƏN MEHRİBAN ƏLİYEVA İNTERNAT MƏKTƏBLƏRİNDƏ UŞAQLARIN ÇOXALMASINDAN GİLEYLƏNİB

Gunaz.tv
QADINLARIN QURULTAYINDA ÇIXIŞ EDƏN MEHRİBAN ƏLİYEVA İNTERNAT MƏKTƏBLƏRİNDƏ UŞAQLARIN ÇOXALMASINDAN GİLEYLƏNİB Bu gün Azərbaycan qadınlarının III qurultayı başlayıb. Bakı İdman Sarayında keçirilən qurultayın gedişi haqda «Media forum» saytına deputat Aynur Quliyeva məlumat verib. big_20080924_22.jpg Mehriban Əliyeva O deyib ki, 1600-dən çox iştirakçının qatıldığı tədbir dövlət başçısı İlham Əliyevin təbrik məktubunun oxunmasıyla başlayıb: «Məktubu Prezidentin İcra Aparatının şöbə müdiri Fatma Abdullazadə çatdırdı. Daha sonra Heydər Əliyev Fondunun prezidenti Mehriban xanım Əliyeva çıxış etdi. O, ölkənin ictimai-siyasi, soial-iqtisadi, mədəni həyatında qadınların rolu barədə ətraflı danışdı. Bildirdi ki, dövlət strukturlarında çalışanların 40 faizini qadınlar təşkil edir». Deputatın sözlərinə görə, birinci ledi bəzi problemlərə də toxunub: «Məlumat verdi ki, ölkənin bütün internat məktəblərində uşaqların sayı çox sürətlə artır. Aparılan sorğular zamanı məlum olur ki, internat məktəblərinə verilən uşaqların böyük əksəriyyətinin valideynləri var, valideynlərin ya hər ikisi, ya da biri sağdır. Amma onlar uşaqlara analıq, atalıq qayğısından məhrum edir, onları internata verməklə öz işlərini bitmiş hesab edirlər. Mehriban xanım bu məsələdən böyük narahatçılıq keçirdiyini bildirdi. Dedi ki, heç bir internat məktəbi uşağa onun ailəsindən, valideynlərindən çox qayğı göstərə bilməz. Ona görə də hər bir valideyn öz övladına lazım olan münasibəti göstərməlidir». Millət vəkilinin verdiyi məlumata görə, daha sonra Ailə, Qadın və Uşaq Problemləri üzrə Dövlət Komitəsinin sədri Hicran Hüseynova çıxış edib. O, ölkənin ictimai-siyasi həyatında Azərbaycan qadınlarının fəaliyyətindən danışıb: «Fasilədən sonra qurultay iştirakçılarının müxtəlif mövzuları əhatə edən məruzələri, çıxışları gözlənilir». Qurultaya xarici ölkələrdən, nüfuzlu beynəlxalq təşkilatlardan qonaqlar da qatılıb. «Media forum»

SEÇİLMİŞ XƏBƏRLƏR

Çox oxunanlar