Contact Us

SON XƏBƏRLƏR

Pakistan və ABŞ qoşunları arasında toqquşma

2021.10.20, 07:36
Pakistan və ABŞ qoşunları arasında toqquşma

Gunaz.tv
Pakistan və ABŞ qoşunları arasında toqquşma İslamabad amerikalıları ərazisinə buraxmamaqda israrlıdır vertalyot.jpg Sentyabrın 25-də Pakistan-Əfqanıstan sərhədində ABŞ və Pakistan hərbçiləri arasında silahlı toqquşma baş verib. Lent.az-ın “Reuters” agentliyinə istinadən verdiyi məlumata görə, insident Pakistan sərhədçilərinin ABŞ Hərbi Hava Qüvvələrinə məxsus “OH-58 Kiowa” döyüş vertolyotlarını atəşə tutmasından sonra baş verib. Toqquşma zamanı itki olmayıb. Rəsmi İslamabad Pakistan hərbçilərinin ölkə ərazisinə daxil olan vertolyotlar istiqamətində xəbərdarlıq atəşi açdığını bildirib. ABŞ tərəfi isə vertolyotların Pakistan ərazisinə soxulmadığını və sərhəddən 1,5 kilometr aralıda Əfqanıstan ərazisində uçduğunu iddia edir. Amerikalı hərbçilər vertolyotların cavab atəşi açmadığını bildirirlər. Əvəzində isə quru qoşunları Pakistan hərbçilərinin mövqelərini atəşə tutublar. Pakistan hərbçiləri isə ABŞ qüvvələrinə cavab atəşi açıblar. Döyüş 5 dəqiqə davam edib. Pentaqonun nümayəndəsi baş verənləri “xoşagəlməz insident” adlandırıb: «Bu, ABŞ və Pakistan qüvvələrinin öz fəaliyyətlərini daha yaxşı koordinasiya etməli olduqlarını göstərir”. Pakistan prezidenti Asif Əli Zərdari isə müttəfiqlərinə ölkə sərhədlərini pozmağa imkan verilməyəcəyini bəyan edib: “Biz terrorçulara ölkə ərazisindən xalqımıza və qonşularımıza qarşı istifadə etməyə imkan vermədiyimiz kimi dostlarımızın da ərazimizə soxulmasına imkan verməyəcəyik”. Xatırladaq ki, Pakistan hərbi rəhbərliyi sentyabrın 16-da ölkə sərhədini pozan ABŞ hərbçilərinə atəş açmaq əmri verib. Bu, Amerikanın sentyabrın 3-də Cənubi Vəziristan əyalətində çoxsaylı insan itkiləri ilə nəticələnən icazəsiz əməliyyatına cavab olub. LENT.AZ

SEÇİLMİŞ XƏBƏRLƏR

Çox oxunanlar