Azərbaycanın neft ixracı addımları Qərbi narahat edəcək

SON XƏBƏRLƏR

Azərbaycanın neft ixracı addımları Qərbi narahat edəcək

2021.10.20, 07:36

Gunaz.tv

"Azərbaycanın neft ixracı addımları Qərbi narahat edəcək"

"Rusiya bilir ki, əgər qazımızın hamısını almaq istəyirsə, çox böyük məbləğ ödəməli olacaq" - bu sözləri Eldar Nəsirov Financial Times qəzetinə bildirib. Neftlə zəngin Azərbaycan Gürcüstan böhranına trans-Xəzər neft kəmərinə etibarını azaltmaqla cavab verdi. Rusiyaya daşımaları artırdı və xam nefti İrana satmağa başladı. Onun bu hərəkətləri ABŞ-da və Avropa Birliyində narahatlıqlar yaradacaq - bu sözlər Financial Times qəzetinin bu günki sayında dərc olunmuş məqalədəndir. Yazıda deyilir ki, Rusiya ilə Gürcüstan arasında müharibə başlayanda və Qafqazdan Türkiyəyə və Qara dənizə gedən kəmərlər bağlananda Azərbaycan əvvəlcə bu dəyişikliklərin müvəqqəti olduğunu bildirdi. "Amma artıq bir aydan çoxdur ki, müharibə dayanıb. Azərbaycan isə neftin Rusiya və İran vasitəsilə ixracını hələ də davam etdirir" -deyə məqalədə bildirilir. Müxbir Dövlət Neft Şirkətinin Vitse-Prezidenti Eldar Nəsirovdan sitat gətirir: "Biz heç kəsi incitmək istəmirik. Amma bütün yumurtaları eyni səbətə yığmaq yaxşı deyil, xüsusilə də səbət etibarsız olanda". Cənab Nəsirov deyib ki, Azərbaycan neftin ixracını Rusiya və İran vasitəsilə davam etdirəcək, çünki Qafqazda vəziyyət çox risklidir. Xarici işlər naziri Elmar Məmmədyarov isə qəzetə bildirib ki, Azərbaycan hər kəslə dost olmaq istəyir, eyni zamanda öz milli maraqlarına uyğun hərəkət edir. Financial Times yazır ki, Azərbaycan Rusiyaya kiçik həcmdə neft ixrac etsə də, bu Kreml üçün çox vacibdir, çünki Moskva Xəzər enerjisi üzərində nəzarəti əldə saxlamaqda israrlıdır. Müxbir hesab edir ki, Amerikanın Mərkəzi Asiya ölkələrini özünün dəstəklədiyi kəmərlər vasitəsilə ixraca sövq etməsi qarışıq uğurlarla nəticələnib və artıq iflasa uğraya bilər. Qazaxıstan bu həftə Moskva ilə yeni ixrac yollarına dair danışıqlar apardı, Azərbaycan isə Rusiyanın Gürcüstandakı hərəkətlərini lənətləyən Qərbə qoşulmadı, deyə məqalədə qeyd olunur. Cənab Məmmədyarov deyir ki, Azərbaycanın əsas vəzifəsi suverenliyini və müstəqilliyni qorumaqdır. Cənab Nəsirov bildirir ki, Azərbaycan qazını Rusiya, İran və Avropa Birliyi almaq istəyir. "Rusiya bilir ki, əgər qazımızın hamısını almaq istəyirsə, çox böyük məbləğ ödəməli olacaq" - bu sözləri Eldar Nəsirov Financial Times qəzetinə bildirib. Məqalədə qeyd olunur ki, Azərbaycan eyni zamanda ötən il inşası başa çatmış yeni kəmər vasitəsilə Gürcüstanı qazla təmin etməkdən boyun qaçırmır.bbc

GUNAZ.TV

SON XƏBƏRLƏR