Contact Us

SON XƏBƏRLƏR

SERJ SƏRKİSYAN TÜRKİYƏ İLƏ DANIŞIQLARIN DETALLARINI AÇIQLADI

2021.10.20, 07:36
SERJ SƏRKİSYAN TÜRKİYƏ İLƏ DANIŞIQLARIN DETALLARINI AÇIQLADI

Gunaz.tv
SERJ SƏRKİSYAN TÜRKİYƏ İLƏ DANIŞIQLARIN DETALLARINI AÇIQLADI “Abdullah Güllə problemləri gələcək nəsillərə qoymamaq barədə razılığa gəldik” 5679.jpg “Türkiyə prezidenti Abdullah Gül ilə bu yaxınlarda keçirilən görüş zamanı biz ölkələrimiz arasındakı problemləri gələcək nəsillərə qoymamaq barədə razılığa gəldik”. Bu barədə srağagün ABŞ-da olan Ermənistan prezidenti Serj Sərkisyan Ermənistanın BMT-də daimi nümayəndəliyində təşkil edilmiş qəbulda çıxış edərkən bildirib. Sərkisyan inanır ki, Ermənistan-Türkiyə münasibətlərində problemləri həll etməyin vaxtı çatıb və o, Gülün çətin qərarlar qəbul etməyə hazır olduğunu qeyd edib. “Bütün bunlar mənə bundan sonra mövcud problemləri gələcək nəsillərə qoymayacağımıza və vaxtı uzatmayacağımıza ümid etmək imkanı verir”, deyə o bildirib. Sərkisyan həmçinin bildirib ki, İrəvandakı danışıqlardan sonra Türkiyə XİN rəhbəri Ankaranın öz keçmişinə nəzər salmağa, nəzərdə tutulan komissiyanın rəyləri ilə üz-üzə durmağa hazır olduğunu qeyd edib. “Bu, cürətli hakimiyyət nümayəndəsinin sözləridir”, deyə Sərkisyan bildirib. O, həmçinin Türkiyə prezidentinin Qarabağ münaqişəsinin həlli prosesinə yardım etməyə hazır olduğunu qeyd edib. “Biz həmişə ATƏT-in Minsk Qrupu həmsədrlərinin fəaliyyətinə yardımı alqışlamışıq və Türkiyə prezidentinin təşəbbüsü məhz belə ola bilər. Bizim əsas məqsədimiz Azərbaycan tərəfini Dağlıq Qarabağ xalqının öz müqəddəratını müəyyən etmək hüququnun sarsılmaz olduğuna inandırmaqdır”, deyə Ermənistan dövlət başçısı bildirib. Elə həmin gün Sərkisyan ATƏT-in Minsk Qrupunun həmsədrləri ilə görüşüb. Görüşdə nizamlanmanın gedişatına, həmçinin Ermənistan və Azərbaycan prezidentlərinin mümkün görüşünə aid məsələlər müzakirə edilib, bu barədə Ermənistan prezidentinin mətbuat xidməti bildirib. Xəbər xidməti musavat

SEÇİLMİŞ XƏBƏRLƏR

Çox oxunanlar