Contact Us

SON XƏBƏRLƏR

“AST” TELMANIN MOSKVADAKI RESTORANLARINI BAĞLADILAR

2021.10.20, 07:36
“AST” TELMANIN MOSKVADAKI RESTORANLARINI BAĞLADILAR

Gunaz.tv
“AST” TELMANIN RESTORANLARINI BAĞLADILAR Azərbaycanlı iş adamının başı dərddə Telman İsmayılovun obyektlərini vergi orqanları möhürləyib, oğlunu isə saxlayıblar 1827.jpg “Məşhur iş adamı, əslən Azərbaycandan olan Telman Mərdan oğlu İsmayılovun Moskvadakı obyektlərini vergi orqanları qapadıb.” Bu xəbəri Moskvadakı mənbələrimizdən almışıq. Məlumatda bildirilir ki, “AST Telman” kimi tanınan məşhur milyarderin “Starı Arbat” küçəsindəki “Praqa” restoranı, eləcə də “Şeş-Beş” restoranlar şəbəkəsi qapadılıb. Eləcə də iş adamına məxsus olan “AST Nəşriyyat Evi”nin də fəaliyyəti dayandırılıb. Mənbə bildirir ki, bütün bunların rəsmi səbəbi kimi Telman İsmayılovun rəhbərlik etdiyi şirkətlərin külli miqdarda vəsaiti vergilərdən yayındırması göstərilir. “Lakin böyük ehtimalla başqa səbəblər də var. Çünki AST Şirkətlər Qrupu hər zaman vergidən yayınmağı ilə məşhur olub. T. İsmayılov Moskvanın meri Lujkovla olan dostluğuna güvənərək, bu cür yoxlamalara illər boyu əhəmiyyət verməyib. Lakin indi onu elə sıxıblar ki, Hətta Lujkov da kömək edə bilmir”. Rusiya paytaxtındakı mənbəmiz iddia edir ki, yoxlamaların nəticəsi olaraq Telman İsmayılovun oğlu Sərxan İsmayılov saxlanılıb. O, AST Şirkətlər Qrupunun rəhbərlərindən biri kimi məsuliyyətə cəlb oluna bilər (“AST” adı cənab İsmayılovun iki oğlunun - Alekber, Sərxan - və özünün adının baş hərflərindən ortaya çıxıb - red. ) Mənbəmiz bildirir ki, Telman İsmayılova məxsus olan “Çerkizov” bazarı da gələn ayın birindən öz fəaliyyətini dayandırmalıdır. Bunun da rəsmi səbəbi kimi həmin bazarın yerləşdiyi ərazinin Moskva Bədən Tərbiyyəsi İnstitutuna məxsus olması göstərilir. Bir sözlə, milyarder həmyerlimizin başı dərddədir. Onun Rusiya hakimiyyəti tərəfindən sıxışdırılmasının əsas səbəblərini hələlik bilməsək də, öyrənməyə çalışacağıq. İndilikdə onu deyə bilərik ki, “AST Telman” son vaxtlar öz vəsaitlərinin böyük hissəsini Türkiyəyə transfer etməyə başlamışdı. Onun Türkiyənin turistik bölgələrində böyük ərazilər və otellər alması barədə qəzetimizdə çoxsaylı məlumatlar var. Ola bilər ki, bu amil də Rusiya rəsmilərini qıcıqlandırsın. Xəbər xidməti musavat

SEÇİLMİŞ XƏBƏRLƏR

Çox oxunanlar