Ruslar Qırğızıstandan qaçır

SON XƏBƏRLƏR

Ruslar Qırğızıstandan qaçır

2021.10.20, 07:36

Gunaz.tv

Ruslar Qırğızıstandan qaçır

1991-ci ildə bu ölkədə yaşayan ruslar əhalinin 21 faizini, 2008-ci ildə isə 8 faizini təşkil edib Rusiyanın tanınmış siyasət adamı, tarix elmləri doktoru Aleksandr Knyazev Qırğızıstanda yaşayan rusların yüz min nəfərinin Rusiya Federasiyasına köçmək istədiyini bildirib. Aleksandr Knyazev Qırğızıstandan çıxmaq istəyən rusların Moskvaya və Rusiyanın cənub vilayətlərinə köçmək məqsədilə müraciət etməsi barədə məlumatların da olduğunu söyləyib. Tural Bu ölkədən ayrılmaq istəyən rusların təxmini sayının 130 min nəfərə çatacağını deyən Aleksandr Knyazev artıq 30 min nəfərin müraciətinə baxılaraq, onlara vizaların göndərildiyini də bildirib: "Əslində bu rəqəmlər də Qırğızıstandan Rusiyaya köç etmək istəyən rusların gerçək sayını göstərmir. Amma Qırğızıstan vətəndaşı olan rusların bu addımı atması və Rusiyada yaşamaq istəklərilə bağlı müraciətləri onların pessimist ruhda böyümələri və yaşamalarıyla bağlıdır. Heç kimə sirr deyil ki, bir çox MDB ölkələri kimi Qırğızıstanda da iqtisadi durum ağırdı. Bu səbəbdən də həyat səviyyələrinin dəyişmədiyini görən etnik ruslar vətənlərinə qayıtmaq istəyirlər". Qeyd edək ki, Qırğızıstanın müstəqilliyi elan olunduqdan indiyədək bu ölkədə yaşayan rusların sayı azalıb. Rəsmi rəqəmlərə görə, 1991-ci ildə Qırğızıstanda yaşayan ruslar əhalinin 21 faizini təşkil edirdisə, 2008-ci ildə bu rəqəm 8 faiz olub. Rus analitikləri etnik rusların MDB ölkələrindən Rusiyanın ayrı-ayrı vilayətlərinə köçünü müsbət saysalar da, soydaşlarının keçmiş sovet ölkələrini tərk etmələrini Kremlin xarici siyasətinə mənfi təsir göstərəcəyini də proqnozlaşdırırlar. xalqcebhesi

GUNAZ.TV

SON XƏBƏRLƏR