“Qafqaz İttifaqı” təklifi BMT-də müzakirə olunsun” BMT Baş Assambleyasının 63-cü sessiyası çərçivəsində Dağlıq Qarabağ münaqişəsi ilə bağlı, ilk dəfə olaraq, Azərbaycan-Türkiyə-Ermənistan arasında üçtərəfli görüşlərin keçiriləcəyi gözlənilir. Məlumata görə, sözügedən məsələ ilə əlaqədar Elmar Məmmədyarov, Ali Babacan və Edvard Nalbandyan Nyu-Yorkda bir araya gələcəklər. Azərbaycanın BMT-dəki Daimi Nümayəndəliyinin mətbuat katibi Vüqar Pənahovun telefon vasitəsilə qəzetimizə verdiyi xəbərə əsasən, nazirlərin görüşü tam dəqiqləşməsə də, bu, istisna deyil: “Görüşün keçiriləcəyi hələ ki, rəsmi olaraq təsdiqlənməyib. Ancaq belə bir görüş nəzərdə tutulur”. Bu arada Azərbaycanın xarici işlər naziri Elmar Məmmədyarov İngiltərəyə səfəri çərçivəsində Türkiyə Baş naziri Rəcəb Tayyib Ərdoğanın irəli sürdüyü "Qafqazda Əməkdaşlıq və Sabitlik Platforması" ilə bağlı yeni təkliflə çıxış edib. O, London Strateji Araşdırmalar İnstitutunda çıxışı zamanı: “Azərbaycan “Qafqaz İttifaqı Platfotması”nın BMT-də müzakirəsini təklif edir”, - deyib və əlavə edib ki, bu platforma regionda sülh və sabitliyin bərqərar olmasına səbəb ola bilər. Səh.3. “Hər kəs Gürcüstanda baş verən olaylardan sonra bölgədə bir boşluq meydana gəldiyini qəbul edir. Bu təşəbbüs həmin boşluğu doldurmaq üçün bir missiya halına gələ bilər. Azərbaycan Türkiyənin təşəbbüsünü dəstəkləyir və hesab edir ki, bu təşəbbüs BMT-də nəzərdən keçirilməlidir”. O, çıxışı zamanı Nyu Yorkda Edvard Nalbandyanla görüşəcəyini də söyləyib. BMT Baş Assambleyasının 63-cü sessiyası çərçivəsində Dağlıq Qarabağ münaqişəsi ilə bağlı, ilk dəfə olaraq, Azərbaycan-Türkiyə-Ermənistan arasında üçtərəfli görüşlərin keçiriləcəyi gözlənilir. Məlumata görə, sözügedən məsələ ilə əlaqədar Elmar Məmmədyarov, Ali Babacan və Edvard Nalbandyan Nyu-Yorkda bir araya gələcəklər. Azərbaycanın BMT-dəki Daimi Nümayəndəliyinin mətbuat katibi Vüqar Pənahovun telefon vasitəsilə qəzetimizə verdiyi xəbərə əsasən, nazirlərin görüşü tam dəqiqləşməsə də, bu, istisna deyil: “Görüşün keçiriləcəyi hələ ki, rəsmi olaraq təsdiqlənməyib. Ancaq belə bir görüş nəzərdə tutulur”. Türkiyə mətbuatı da sözügedən görüşün keçiriləcəyi ilə bağlı məlumat yayıb. Nazirlərin görüşəcəyini yazan “CNN-Türk” televiziyasının internet səhifəsinin məlumatına görə, rəsmi Ankara Türkiyə-Ermənistan problemləri ilə Azərbaycan-Ermənistan problemlərinin həlli yollarını ayrı-ayrılıqda deyil, tək bir paket halında ələ alır. Paketdə Azərbaycanın işğal olunmuş torpaqlarının azad edilməsi ilə Türkiyə-Ermənistan münasibətlərinin normallaşdırılması işinin paralel olaraq həyata keçirilməsi nəzərdə tutulur. Bu arada Azərbaycanın xarici işlər naziri Elmar Məmmədyarov İngiltərəyə səfəri çərçivəsində Türkiyə Baş naziri Rəcəb Tayyib Ərdoğanın irəli sürdüyü Qafqazda Əməkdaşlıq və Sabitlik Platforması ilə bağlı yeni təkliflə çıxış edib. O, London Strateji Araşdırmalar İnstitutunda çıxışı zamanı: “Azərbaycan “Qafqaz İttifaqı Platfotması”nın BMT-də müzakirəsini təklif edir”, - deyib və əlavə edib ki, bu platforma regionda sülh və sabitliyin bərqərar olmasına səbəb ola bilər: “Hər kəs Gürcüstanda baş verən olaylardan sonra bölgədə bir boşluq meydana gəldiyini qəbul edir. Bu təşəbbüs həmin boşluğu doldurmaq üçün bir missiya halına gələ bilər. Azərbaycan Türkiyənin təşəbbüsünü dəstəkləyir və hesab edir ki, bu təşəbbüs BMT-də nəzərdən keçirilməlidir”. O, çıxışı zamanı Nyu-Yorkda Edvard Nalbandyanla görüşəcəyini də söyləyib. Türk və erməni diplomatlar ortaq bəyanat layihəsini müzakirə ediblər Türkiyənin “Bugün” qəzetinin məlumatında ötən bazar günü türkiyəli və erməni diplomatlarının İsveçrənin Bern şəhərində bir araya gəldikləri və nazirlərin görüşünü müzakirə etdikləri qeyd olunub. Qəzetin xəbərinə əsasən, diplomatlar ortaq bəyanat layihəsi üzərində iş aparıblar, ancaq bəyanatla bağlı razılıq əldə olunmayıb. Məlumatda o da bildirilir ki, qəbul olunacağı təqdirdə həmin bəyanatın Nyu-Yorkda keçirilməsi nəzərdə tutulan üçlü görüşün nəticəsi olaraq açıqlanması nəzərdə tutulurdu. Natiq Pənahlı zaman