"Türkiyənin Avropa Birliyinə tam üzv olması bir vasitədir, hədəf deyil" İlkər Başbuğ: "Silahlı Qüvvələr Türkiyə-Avropa Birliyi münasibətləri çərçivəsində milli dövlətin əleyhinə olan bütün təkliflərə qarşıdır" Türkiyə Silahlı Qüvvələrinin baş qərargah rəisi, ordu generalı İlkər Başbuğ iki gün ərzində televiziya və xəbər agentliklərinin müxbirlərinin qatıldığı əlaqə toplantısı keçirib. TSQ-nin əsas hədəfinin terrorla mücadiləni daha qısa müddətdə bitirmək olduğunu söyləyən İlkər Başbuğ ən çox terror olayının 1994 -cü ildə (6 min 446 terror) olduğunu, 1993-cü ildə isə 5 min 717 terror törədildiyini xatırladıb. Göytürk Baş qərargah rəisinin sözlərinə görə, 2008-ci ildə törədilən terror olaylarının sayı 1170-dir. Terror olaylarının sayı ilə bağlı danışan ordu generalı regional diqqətin İraqdan Əfqanıstana keçdiyini vurğulayıb. "İraq məsələsi Türkiyə üçün həyati əhəmiyyətlidir"-deyən İlkər Başbuğ 1993-cü ildə terror olayları nəticəsində 1479 nəfərin, 2008-ci ildə isə 42 nəfərin öldüyünü deyib. Baş qərargah rəisi 1994-cü ildə şəhid olan təhlükəsizlik qüvvəsi hərbçilərinin sayının 867 nəfər, 2008-ci ildə isə 134 nəfər olduğunu bildirib. Türkiyənin vəziyyətinin Avropa ölkələrinə bənzəmədiyini söyləyən ordu generalı "təmənna edirik ki, heç şəhidimiz olmasın" -deyib. TSQ olaraq ən az zərərə uğramaq üçün önləmlər aldıqlarını deyən ordu generalı ən böyük acını şəhid ailəsi və dostlarının yaşadığını açıqlayıb. "Kimsə şəhid üstündən siyasət yapmasın"-deyə bildirən baş qərərgah rəisi "yenə şəhid", "Nə zaman bitəcək?" kimi xəbərlərin TSQ-ya yardımçı olmaq əvəzinə terrorla mücadiləyə mənfi təsir göstərdiyini açıqlayıb. Ordu generalı İlkər Başbuğ terrorla mücadiləyə dair qiymətləndirmədə başqa bir kriteryanın "zərərsizləşdirilən terrorçu sayının" olduğunu xatırladıb. Məsələn, 1994-cü ildə 7 min 184, 2008-ci ildə isə 613 terrorçu zərərsizləşdirilib. "Türkiyə Silahlı Qüvvələri yalan söyləməz, Türkiyə Silahlı Qüvvələri bir şeyi söələyirsə, o doğrudur"-deyən İlkər Başbuğ terrorçuların cənazəsinin göstərilməsinin terror təşkilatının təbliğat işinə yarayacağını açıqlayıb. İlkər Başbuğun 1994-cü ildə cəmi 3 terrorçunun dövlətə təslim olduğunu, 2008-ci ildə isə təslim olanların sayının 113 nəfərə yüksəldiyini xatırladıb. Onun sözlərinə görə, 2002-ci ildə terror təşkilatına 47 nəfər, 2007-ci ildə isə 742 nəfər qatılıb. PKK-ya Türkiyədən, Suriyadan, Avropadan qatılanların olduğunu söyləyən İlkər Başbuğ bu gün PKK-nın üçdə birinin Suriyadan gəldiyini, Cənub-Şərqi Anadoludan terrorçulara qoşulanların sayının az olduğunu açıqlayıb. "Ergenekon" adlandırılan istintaq çərçivəsində həbsdə saxlanılan ordu generalları Şener Eruyğur və Hurşit Tolonun TSQ adından ziyarət edilməsinə münasibətini bildirən İlkər Başbuğ bununla bağlı baş nazirə hər hansı məlumat verilmədiyini söyləyib. İlkər Başbuğ Şener Eruyğurun xəstəxanaya düşməsindən narahat olduqlarını da söyləyib. Gürcüstanda, ümumiyyətlə, Qafqazda baş verənlərə münasibət bildirən İlkər Başbuğ HATO-nun baş qərargah rəislərinin Bolqarısdandakı toplantısı, ABŞ-ın baş qərargah rəisi, ordu generalı Michael Mullenlə görüşlərinə toxunub. Onun fikrincə, heç kəs Gürcüsanda təkrar döyüşlərin olması ehtimalı haqqında düşünmür: "Bundan sonra nə olacaq? Rusiyanın separatçıları tanıması məsələsi var. Bunun BMT TŞ-dən keçməsi çox zordur. Amma Rusiya de fakto mövqeyini ortaya qoydu, bundan geri addım atmaz. HATO, AB ölkələri məsələyə balanslı yanaşmaq niyyətindədir. Bu Rusiya ilə danışıqlar apararaq, gərginliyə çözüm tapılması yanaşmasıdır. Gürcüstan böhranın əvvəlindən Türkiyə Cümhuriyyəti balanslı siyasət yürüdür. Olayın içindəki ölkələr balanslı yanaşmamızdan məmnundur". Mondros sazişindən danışan baş qərargah rəisi söyləyib ki, Qara dənizin təhlükəsizliyini təmin etmək, dənizə nəzarət etmək sahil dövlətlərinə məxsusdur: "Amma biz tərəfsiz olaraq Mondros sazişini yerinə yetiririk". HATO-Türkiyə, AB-Türkiyə münasibətlərindən danışan ordu generalı söyləyib ki, Türkiyə HATO daxilində nüfuzu olan ölkədir: "Türkiyə Silahlı Qüvvələri Türkiyə-AB münasibətləri çərçivəsində milli dövlətin əleyhinə olan bütün təkliflərə qarşıdır. Türkiyənin Avropa Birliyinə tam üzv olması Türkiyənin maraqları baxımından bir vasitədir, hədəf deyil". Baş qərargah rəisi onu da deyib ki, sosial dövlət zəiflədiyi vaxtlarda onun yerini camaatlar dolduracaq: "Yüz illərdir iqtisadi mənfəət naminə dindən istifadə olunur. Bu qlobal bir məsələdir. Yalnız Türkiyənin problemi deyil. Dindən vasitə olaraq istifadə olunur. Ondan sonra iqtisadi cəhətdən güclənirlər. İqtisadi cəhətdən güclənəndən sonra digər sahələrə əl atırlar. Daha sonra siyasətə əl atırlar. Bu qarmaqarışıq, sosial bir gerçəklikdir". xalqcebhesi