Contact Us

SON XƏBƏRLƏR

Azərbaycan Qafqazın iqtisadi və mədəni mərkəzinə çevrilir

2021.10.20, 07:36
Azərbaycan Qafqazın iqtisadi və mədəni mərkəzinə çevrilir

Gunaz.tv
Azərbaycan Qafqazın iqtisadi və mədəni mərkəzinə çevrilir gund.jpg Prezident İlham Əliyev müsəlman ölkələrinin Bakıdakı səfirlərini qəbul edib AzərTAc xəbər verir ki, prezident İlham Əliyev qarşıdan gələn müqəddəs Ramazan bayramı münasibətilə dünən müsəlman ölkələrinin Bakıdakı səfirlərini qəbul edib. Diplomatları müqəddəs Ramazan bayramı münasibətilə təbrik edən dövlət başçısı təmsil etdikləri ölkələrin dövlət və hökumət başçılarına da bu münasibətlə onun xoş arzularını çatdırmağı xahiş etdi. Prezident İlham Əliyev Azərbaycan xalqının bu müqəddəs bayramı həmişə qeyd etdiyini, ölkə müstəqilliyini bərpa etdikdən sonra isə onun rəsmi şəkildə qeyd olunmağa başladığını bildirdi. Müstəqil Azərbaycanın bütün dövlətlərlə, o cümlədən müsəlman ölkələri ilə də diplomatik münasibətlər qurduğunu, bu münasibətlərin yüksək səviyyədə olduğunu vurğulayan prezident İlham Əliyev beynəlxalq təşkilatlar çərçivəsində əməkdaşlığı yüksək qiymətləndirdi. İslam Konfransı Təşkilatı çərçivəsində uğurlu əməkdaşlıqdan bəhs edən dövlət başçısı İslam həmrəyliyinin daha da güclənməsinin vacibliyini söylədi. Azərbaycanın uğurlu inkişafından söhbət açan prezident İlham Əliyev Ermənistan-Azərbaycan, Dağlıq Qarabağ münaqişəsinə də toxundu. O dedi ki, Azərbaycan uzun illərdir bu məsələnin danışıqlar yolu ilə həllinə çalışsa da, hələlik heç bir nəticə yoxdur. Bu problem Azərbaycanın ərazi bütövlüyü çərçivəsində həll edilməli, işğal olunmuş torpaqlar azad edilməlidir. Dövlət başçısı beynəlxalq təşkilatlarda bu məsələ ilə əlaqədar qəbul olunmuş qətnamələri xatırlatdı, BMT-də islam ölkələrinin dəstəyinin Azərbaycan üçün önəmli olduğunu vurğuladı. İraqın Azərbaycandakı səfiri Ərşad Ömər İsmayıl Azərbaycan prezidentini səfirlər adından qarşıdan gələn müqəddəs Ramazan bayramı münasibətilə təbrik etdi. O, Azərbaycanın bütün Qafqazın iqtisadi və mədəni mərkəzinə çevrilməsinin şahidi olduqlarını vurğulayaraq dedi ki, ölkədə güclü iqtisadi inkişafa gətirib çıxaran uğurlu siyasət aparılır. Azərbaycanda hökm sürən sabitlik və təhlükəsizlik Qafqaz regionunda onun əhəmiyyətini artırır. "Azərbaycan bu gün müxtəlif dinləri təmsil edən insanların rahat yaşadığı tolerant ölkədir. Müsəlman dövlətləri hər zaman hər yerdə Azərbaycanı dəstəkləyir"-deyən səfir bildirdi ki, bütün müsəlman ölkələri Dağlıq Qarabağ məsələsinin Azərbaycanın ərazi bütövlüyü, beynəlxalq hüquq normaları çərçivəsində həllinə tərəfdardır.

SEÇİLMİŞ XƏBƏRLƏR

Çox oxunanlar