Contact Us

SON XƏBƏRLƏR

Rusiya saytında Azərbaycanın hərbi sirləri yayılır

2021.10.20, 07:36
Rusiya saytında Azərbaycanın hərbi sirləri yayılır

Gunaz.tv
Rusiya saytında Azərbaycanın hərbi sirləri yayılır rus-sayti.jpg Dövlət orqanları məsələdən xəbərsiz olduqlarını bildirirlər Rusiyanın www.odnoklasnik.ru saytında Azərbaycanın hərbi sirləri yayılır. Bu barədə Lent.az-a “Manevr” Hərbi Jurnalist Araşdırmalar Mərkəzinin direktoru Rəşad Süleymanov məlumat verib. O bildirib ki, həmin saytda Azərbaycandakı əksər hərbi hissələrinin adları, dislokasiya məntəqələri, bir qisminin isə hətta təyinatı da göstərilib: “Bütün bunlar isə faktiki olaraq hərbi sirlərdir”. www.odnoklasnik.ru saytına dünyanın istənilən yerindən daxil olmaq mümkündür. Azərbaycanın müxtəlif təbəqələrini əhatə edən şəxslər, o cümlədən hərbçilər sayta daxil olaraq özlərinə uyğun bölmə yaradır, orada söhbətləşirlər. Hərbçilərin yaratdıqları bölmələrin adları isə onların əvvəl, yaxud hazırda qulluq etdiyi hərbi hissəsinin adı, yeri, təyinatı ilə göstərilir. R.Süleymanov deyib ki, Azərbaycan hərbçiləri həmin sayta daha çox hərbi xidməti başa vurduqdan sonra daxil olublar: “Ancaq hazırda orduda xidmət keçən zabitlər, həmçinin Cəmşid Naxçıvanski adına Hərbi Litseyin, Heydər Əliyev adına Ali Hərbi Məktəbin kursantları bu sayta daxil olurlar. Onlar boş vaxtlarında saytda bir-birilə söhbət edirlər”. Mövzu ilə bağlı Daxili Qoşunların mətbuat xidmətinin rəisi Təranə Məmmədova Lent.az-a açıqlamasında məsələdən məlumatsız olduğunu deyib: “Ancaq istənilən halda mən bunu düzgün saymıram. Daxili Qoşunların istər hazırda qulluq edən, istərsə də qulluğu başa vurmuş zabit və şəxsi heyəti məxfi məlumatları yaymamalıdır”. Müdafiə Nazirliyinin mətbuat xidmətinin rəhbəri Eldar Sabiroğlu da məsələdən məlumatsız olduğunu bildirib. Pərvin ABBASOV LENT.AZ

SEÇİLMİŞ XƏBƏRLƏR

Çox oxunanlar