Contact Us

SON XƏBƏRLƏR

Baykal Gülün

2021.10.20, 07:36
Baykal Gülün

Gunaz.tv
Baykal Gülün "tikan"ını qopardı "İrəvana gedirsə, onda "soyqırım" abidəsinə də gül qoysun" mnegyzp6.gif Türkiyənin Cümhuriyyət Xalq Partiyasının (CHP) sədri Dəniz Baykal Türkiyə prezidenti Abdulla Gülün İrəvana səfərə hazırlaşmasını kəskin şəkildə pisləyib. "Əgər Ermənistana gedirsə, onda "soyqırım" abidəsinə də gül qoysun. Bununla da onu bu səfərə yönləndirənləri və ya İrəvana getməyə razı salanları daha çox xoşbəxt etmiş olar",-deyə Türkiyənin ana müxalifət partiyasının lideri bu səfəri ironik şəkildə qiymətləndirib. Baykal Gülün 15 il əvvəl - 1993-cü ildə Rifah Partiyasından millət vəkili olarkən TBMM-də etdiyi bir çıxışı xatırladıb. Dünən Türkiyənin "Milliyyət" qəzeti Gülün Süleyman Dəmirəl hökumətinin siyasətini pisləyən həmin çıxışını dərc edib. 1993-cü ilin aprelində Ermənistan prezidenti Levon Ter-Petrosyan qəfil dünyasını dəyişən prezident Turqut Özalın dəfn mərasimində iştirak etmək üçün Ankaraya gəlmişdi. Gül bu səfəri pisləyərək iki ölkə arasında hər hansı münasibətləri yolverilməz saymış və Ter-Petrosyanın Ankaraya gəlmək cəsarətini Dəmirəl hökumətinin təslimçi siyasət yürütməsinin nəticəsi adlandırmışdı:" O (Ter-Petrosyanı nəzərdə tutur-red.), sizin nə qədər öz mənfəətini güdən olduğunuzu, ortada Türkiyənin dövlət maraqları olan zaman qorxaq davranacağınızı, nə qədər üzüyumşaq olduğunuzu bilir və buna görə də cəsarət edərək Türkiyəyə gəlir. Mənə elə bir ölkə göstərin ki, qardaşlarınızla müharibə aparacaq, onları qətlə yetirəcək...Qarsın Ermənistan torpağı olduğunu iddia edəcək və sonra həmin ölkənin prezidenti Türkiyəyə gələcək və siz də onun əlini sıxacaqsınız? Bu, mümkün ola bilərmi?" Gülün o vaxtkı tikanlı çıxışını xatırladan Baykal öz tikanlı istehzasını davam etdirib:"O gündən bu günə nə dəyişdi? Ermənistan Türkiyənin sərhədlərinimi tanıdı, Türkiyəyə qarşı ərazi iddialarındanmı vaz keçdi? Soyqırım iddasınımı geri götürdü? Yoxsa Qarabağın işğalına son qoydu? İşğaldan tam əl çəkdiyini bir kənara qoyaq, işğal etdiyi bir neçə kəndin azad edilməsinə təminatmı verdi? Bunların heç biri olmadı. Dəyişən bir şey yoxdur. Dəyişən o vaxt dediklərini bu gün unudan adamın Türkiyə prezidenti olmasıdır". Bəzi müşahidəçilər Gülün İrəvanda hər cür təxribatla üzləşə biləcəyini, ermənilərin onun hətta qondarma "soyqırım abidəsi"nin ziyarət etməsi üçün min bir hoqqadan çıxa biləcəklərini istisna etmirlər... Elnur Mirzə express

SEÇİLMİŞ XƏBƏRLƏR

Çox oxunanlar