NATO GƏMİLƏRİ QARA DƏNİZDƏ CƏMLƏŞİR

SON XƏBƏRLƏR

NATO GƏMİLƏRİ QARA DƏNİZDƏ CƏMLƏŞİR

2021.10.20, 07:36

Gunaz.tv

NATO GƏMİLƏRİ QARA DƏNİZDƏ CƏMLƏŞİR Amerika donanmasının qərargah və kəşfiyyat gəmiləri Gürcüstan sahillərinə yaxınlaşır

Qara dənizdə ABŞ və NATO-ya üzv olan bəzi ölkələrin hərbi gəmilərinin cəmləşməsi davam edir. Son məlumatlara görə, Amerika Hərbi Dəniz Qüvvələrinin daha bir gəmisi Türkiyə boğazlarını keçərək Qara dənizə daxil olub. Bu, ABŞ-ın 6-cı donanmasının qərargah gəmisi “Maunt Uitni”dir. Rusiyanın Qara dəniz donanmasının qərargahından bildiriblər ki, gəmi Bosfor boğazını keçdikdən sonra onun hərəkətini kəşfiyyat vasitələri ilə izləyirlər. Gözlənilirdi ki, Gürcüstana humanitar yardım aparan gəmi Batumi limanına yan alacaq. Pentaqondan isə bildiriblər ki, “Maunt Uitni” Gürcüstana yardım çatdırdıqdan sonra hazırda Qara dənizdə olan NATO gəmiləri qruplaşmasının fəaliyyətini koordinasiya edəcək. Bu gəmi üzən donanma qərargahıdır. Vaşinqtondan bildirildiyinə görə, gəmi Yunanıstanın Krit adası limanından yola çıxıb, onun göyərtəsində 17 ton humanitar yardım, o cümlədən təbii meyvə şirələri, quru süd, gigyenik vasitələr və digər mallar var. Təhlükəsizlik nöqteyi-nəzərdən gəminin nə vaxt, Gürcüstanın hansı limanına yan alacağı açıqlanmayıb. Sentyabrın 3-də isə Qara dənizə ABŞ donanmasının “Pathfinder” adlı kəşfiyyat gəmisi daxil olub. O, universal gəmidir, o cümlədən dənizdə kəşfiyyat apara bilir. Rusiya mənbələrinin məlumatına görə, Ukraynanın dəvəti ilə gəmi dünən səhər Sevastopol limanına daxil olub. Rusiyanın güc strukturlarındakı mənbə deyib ki, gəminin Qara dənizə daxil olmasında məqsəd orada yerləşən NATO gəmilərinin maraqları naminə kəşfiyyat fəaliyyətləri aparmaqdır. Həmin mənbənin bildirdiyinə görə, dünən NATO bayrağı altında daha bir hərbi gəmi Qara dənizə daxil olub. O, elmi-tədqiqat gəmisi “Alyans”dır. “Bu gəmi kəşfiyyatdan tutmuş elmi tədqiqatlara qədər istənilən növ fəaliyyət həyata keçirə bilir” deyə mənbə bildirib. Rusiya hərbi çevrələrindəki mənbə onu da deyib ki, Amerika donanmasının “Mc Faul” esminetsi bir-iki gün əvvələdək Batumi limanında qalırdı, lakin gəmi hazırda Qara dənizi tərk edib. Bununla da Amerika gəmiləri öz aralarında rotasiya həyata keçiriblər. Bildirilir ki, hazırda Polşa, İspaniya və Almaniyanın hərbi gəmiləri Qara dənizin şimal-qərb hissəsində manevrlər edir, Amerika hərbi gəmiləri isə Gürcüstan sahillərindədir. Qara dənizdə cəmi 6 NATO gəmisinin olduğu deyilir. Rusiyadan iddia edirlər ki, Amerika hərbi gəmiləri Gürcüstana humanitar yardım yox, silah və hərbi texnika daşıyır. Vaşinqtondan isə bu iddiaları rədd edirlər. F.MƏMMƏDOV musavat

GUNAZ.TV

SON XƏBƏRLƏR