ABŞ-ın VİTSE-PREZİDENTİ DİK ÇEYNİ REGİONA SƏFƏRİ ÇƏRÇİVƏSİNDƏ GÜRCÜSTANDAN SONRA UKRAYNAYA GEDİB Birləşmiş Ştatlarının vitse-prezidentinin bu gün Ukraynanın dövlət başçısı Viktor Yuşşenko və Baş nazir Yuliya Timoşenko ilə görüşləri planlaşdırılıb. Danışıqlarda iki ölkə arasındakı münasibətlər, həmçinin Ukraynada son günlər yaşanan gərginlik, o cümlədən, bölgədəki proseslər ətrafında fikir mübadiləsi aparılacaq. /İctimai TV/ --------------------------------------------------------------------- Con Makkeyn prezident seçiləcəyi təqdirdə Amerikanın İraq siyasətini dəyişməyəcəyini bildirib Respubilkaçılar partiyasından prezidentliyə namizəd Con Makkeyn partiyanın qurultayında proqram nitqi ilə çıxış edib ABŞ-da keçiriləcək prezident seçkisində Respubilkaçılar partiyasından prezidentliyə namizəd Con Makkeyn partiyanın Minessota ştatının Sent Pol şəhərində keçirilən qurultayında proqram nitqi ilə çıxış edib və prezidentliyə namizədliyi qəbul etdiyini bildirib. Çıxışında qarşıdan gələn seçkidə partiyasının qalib gələcəyinə əmin olduğunu bəyan edən senator Makkeyn seçki kampaniyasında ona dəstək verən bütün insanlara minnətdarlığını bildirib. Tərəfdarları qarşısında çıxış edən namizəd prezident seçiləcəyi təqdirdə Amerikanın İraq siyasətini dəyişməyəcəyini, əsasən, ölkə iqtisadiyyatını dirçəltməyə çalışağını bildirib. Bununla yanaşı, Con Makkeyn Rusiyanın demokratiya ideallarından uzaqlaşaraq, keçmiş imperiyanı bərpa etməyə cəhd göstərdiyini və buna görə də, öz qonşusu olan Gürcüstanın ərazisini işğal etdiyini bildirib. O, Amerikanı çiçəklənmə yoluna qaytaracaq dəyişikliklərə start verəcəyinə söz verib. “İzn verin qoca, uzun müddət oturan, heç nə etməyənlər və birinci mən, sonra ölkə prinsipi ilə yaşayanların nəzərinə çatdırım ki, dəyişiklərin zamanı çatıb". Respublikaçılar Partiyasının namizədi eyni zamanda Corc Buş adminstrasiyasının İraq siyasətinin dəyişilməyəcəyini, dəyişikliklərin əsasən iqtisadiyyatda həyata keçiriləcəyini vurğulayıb. “Mən təkrar-təkrar deyirəm ki, həll edilməli problemləri həll etmək üçün hər iki partiyanın üzvləri ilə işləməyə hazıram. Mən prezident kimi məhz bu cür işləməyə hazırlaşıram. Ölkəni idarə etməkdə mənə kömək etməyə hazır olan hər bir insanın əlini sıxmağa hazıram. Mən bunu öz təcrübə və çapıqlarımla sübut etməyə hazıram. Senator Obamada bunlar yoxdur”. Qeyd edək ki, ABŞ prezidenti Corc Buş və vitse-prezident Dik Çeyni Respublikaçılar Partiyasının qurultayına qatılmayıblar. Corc Buş yalnız çərşənbə günü peyk rabitəsi ilə qurultay nümayəndələrinə müraciət edib. Mütəxəssislər bunu hazırkı ABŞ adminstrasiyasının ölkədə populyarlığını itirməsi və bu səbəbdən Con Makkeynin seçki təbliğatına mane olmaq istəməməsi ilə əlaqələndirir. Qeyd edək ki, qurultayın gedişində zalda müharibə əleyhdarları aksiya keçirməyə cəhd göstəriblər. Mühafizə əməkdaşları müharibə əleyhinə şüarlar səsləndirən bir neçə şəxsi dərhal ərazidən kənarlaşdırıb. Zaldan kənarda, şəhərin mərkəzində isə müharibə əleyhdarları yürüş keçirməyə çalışıblar. Hüquq-mühafizə orqanları ilə baş vermiş qarşıdurmada 200 nəfərin saxlanıldığı bildirilir./ANS TV/