TÜRKİYƏDƏ “ERGENEKON” İŞİNDƏ SÜRPRİZ HADİSƏ

SON XƏBƏRLƏR

TÜRKİYƏDƏ “ERGENEKON” İŞİNDƏ SÜRPRİZ HADİSƏ

2021.10.20, 07:36

Gunaz.tv

TÜRKİYƏDƏ “ERGENEKON” İŞİNDƏ SÜRPRİZ HADİSƏ Silahlı Qüvvələr həbsdəki ordu generalları ilə görüşə general göndərdi

Türkiyədə dünən “Ergenekon” işi ilə bağlı sürpriz hadisə baş verib. Silahlı qüvvələr adına general rütbəsində olan zabit bu işlə bağlı həbsdə saxlanılan Şener Eruyğur və Xurşud Tolonla görüşmək üçün həbsxanaya gedib. Kocaeli qarnizonunun komandanı general Qalib Mehdi generalların saxlanıldığı qapalı tipli Kandıra həbsxanasına gedərək Tolon və Eruyğurla bir saatdan çox görüşüb. Görüşdən sonra general mətbuata heç bir açıqlama verməyib. Daha sonra Silahlı Qüvvələrin Baş Qərargahı bu görüş haqda rəsmi açıqlama yayıb. Açıqlamada deyilir ki, silahlı qüvvələrin tapşırığı ilə general Qalib Mehdi uzun müddət türk ordusunda xidmət etmiş istefada olan iki komandanı ziyarət edib. “Bu ziyarət Türk Silahlı Qüvvələri adına edilib. Əvvəl olduğu kimi bu gün də silahlı qüvvələrin türk məhkəməsinə olan inamı tamdır”, deyə açıqlamada bildirilir. Mətbuat isə dərhal bu görüşü yeni Baş Qərargah rəisi İkər Başbuğun qətiyyətli mövqeyi və istefada olan generallara dəstəyi kimi şərh edib. Müqayisə üçün qeyd edilir ki, budəfəki Baş Qərargah rəisi Yaşar Böyükanıt bir dəfə də olsun iki ordu generalının həbsinə münasibət bildirməyib. Böyükanıt bu mövqeyinə görə tənqid də edilib. İndi isə yeni Baş Qərargah rəisi həbsdə olan ordu generalları ilə görüşə general rütbəsində zabit göndərməklə silahlı qüvvələrin onlara qarşı irəli sürülmüş ittihamları rədd etdiyini ortaya qoyur. Həmçinin mesaj verir ki, ordu “Ergenekon” məsələsində tərəfdir. Qeyd edək ki, “Ergenekon” işinin Atatürkçü, millətçi və orduda hökumətə qarşı olan qüvvələri zəiflətmək üçün quraşdırıldığı haqda şübhələr var. Generalların ziyarət edilməsinin ardınca Baş Qərargah rəisi Başbuğla baş nazir Rəcəb Tayyib Ərdoğan arasında da görüş olub. Bu görüşün əvvəlcədən nəzərdə tutulduğu bildirilir, lakin güman edilir ki, Ərdoğan generalların ziyarət edilməsinin hansı məqsəd daşıdığı ilə maraqlana bilərdi. Siyasət şöbəsi musavat

GUNAZ.TV

SON XƏBƏRLƏR