Contact Us

SON XƏBƏRLƏR

Vəfa Quluzadə: «Açıqlanan xarici siyasət prioritetləri ona işarədir ki, Moskva vaxtı ilə SSRI-nin sahib olduğu nüfuzu qaytarmaq istəyir»

2021.10.20, 07:36
Vəfa Quluzadə: «Açıqlanan xarici siyasət prioritetləri ona işarədir ki, Moskva vaxtı ilə SSRI-nin sahib olduğu nüfuzu qaytarmaq istəyir»

Gunaz.tv
Vəfa Quluzadə: «Açıqlanan xarici siyasət prioritetləri ona işarədir ki, Moskva vaxtı ilə SSRI-nin sahib olduğu nüfuzu qaytarmaq istəyir» vefa_quluzade.jpg Rusiya prezidenti Dmitri Medvedyev Rusiyanın xarici siyasət prioritetlərini açıqlayıb. Məlum olub ki, bundan sonra Rusiyanın xarici siyasət kursu beş əsas prinsipə əsaslanacaq. Onlardan əsas diqqət çəkənləri və Qərbə mesaj kimi dəyərləndirilə biləcək prinsiplər bunlardır. Dünya çoxqütblü olmalıdır, harada yaşamasından asılı olmayaraq Rusiya vətəndaşlarının həyat və ləyaqəti müdafiə olunacaq. Rusiya prezidenti həmçinin bildirib ki, hamı təcavüzkarın mütləq cavabını alacağını anlamalıdır. Politoloq Vəfa Quluzadənin fikrincə, sonuncu sənəd Rusiyanın yaxın gələcəkdə xarici siyasətinin istiqamətlərinin necə olacağının nümayişidir: “Rusiya bununla bəyan etmək istəyir ki, o, vaxtı ilə SSRI-nin sahib olduğu nüfuzu qaytarmaq fikrindədir və hazırda yeni müstəqillik illərindən fərqli olaraq Moskvanın buna potensialı çatır. Lakin mən düşünmürəm ki, hazırda Rusiyanın imkanları ilə istəkləri üst-üstə düşür. Moskvanın bu cür aqressiv siyasət aparması Qərbin əvvəlki illərə nisbətən müəyyən qədər zəifləməsidir. Avropa Ittifaqı daxilində yaşanan ziddiyyətlər Qərbin vahid siyasətinə ciddi təsir göstərib. Almaniya və Fransa hazırda Rusiyanın müttəfiqlərinə çevrilməkdədirlər. Almaniyanın keçmiş kansleri Şröder hazırda rusların ”Qazprom" şirkəti üçün çalışır. Bütün bunlar təsadüf deyil". Əslində, Rusiyanın yenidən dünya hökmranlığına can atmasının ABŞ-ın Iraq və Əfqanıstandakı uğursuzluğundan sonra başladığını vurğulayan V.Quluzadə bildirdi ki, Moskva Amerikanın müəyyən qədər zəifləməsindən istifadə etməyə çalışır: “Rusiya hazırda beynəlxalq aləmdə onun üçün yaranmış əlverişli situasiyadan istifadə etməyə çalışaraq, SSRI-ni yenidən bərpa etmək istəyir. Moskva yenidən fövqəlbəşər dövlət olmaq üçün iddialarla çıxış etməyə başlayıb. Gürcüstanda baş verən hadisələr məhz bunun təzahürüdür. Bu isə olduqca təhlükəli tendensiyadır”. Hazırda rus mətbuatında gedən təbliğata fikir verməyin tərəfdarı olan V.Quluzadə bildirdi ki, rus mətbuatı ölkəmizi təcavüzkar dövlət kimi təqdim etməyə çalışaraq, Azərbaycanın gələcəkdə Qarabağa hücum edə biləcəyini yazır. Eyni zamanda Ukrayna ilə bağlı da Rusiyanın təxribatçı siyasət yürütdüyünü söyləyən politoloq hesab edir ki, bütün bunlar hər iki ölkənin təhlükə altında olduğunun nümayişidir. Xəyal azadliq

SEÇİLMİŞ XƏBƏRLƏR

Çox oxunanlar