Contact Us

SON XƏBƏRLƏR

Hollandiyada "Kərkük yürüşü" keçirilib

2021.10.20, 07:36
Hollandiyada "Kərkük yürüşü" keçirilib

Gunaz.tv
Hollandiyada "Kərkük yürüşü" keçirilib 034.jpg Türkiyə, Kərkük və İraq bayraqlarını dalğalandıran nümayişçilər "Kərkük türkdür türk qalacaq" şüarını səsləndiriblər Ötən gün Kərkük türkləri Hollandiyanın Utrext şəhərində yürüş-mitinq keçiriblər. "Cihan" xəbər agentliyinin verdiyi məlumata görə, Hollandiyada fəaliyyət göstərən "Tanış" Türkmən Dərnəyinin təşkil etdiyi aksiyaya Türkiyə türklərilə birlikdə mindən artıq kərküklü qatılıb. Utrext şəhər polisinin geniş təhlükəsizlik tədbirləri altında gerçəkləşən yürüş-mitinqə qatılanlar Türkiyə, Kərkük və İraq bayraqlarını dalğalandıraraq, "Kərkük türkdür, türk qalacaq" şüarını səsləndiriblər. İraqda baş verənləri qınayan aksiya iştirakçıları insan kimi yaşamağa onların da haqqı olduğunu, Səddam Hüseyn dönəmində gördükləri zülmü indi də ABŞ əsgərlərinin davam etdirdiyini söyləyiblər. Utrextin Mariaplaats meydanından başlayan yürüş şəhər bələdiyyəsinin qarşısından keçilməklə Dom meydanından sonra Vredebrug ərazisində mətbuat açıqlamasıyla başa çatıb. "Tanış" Türkmən Dərnəyinin rəhbəri Yalçın Muhtapçı bildirib ki, İraqda 2,5 milyondan artıq türkmən yaşayır. Onlar yer üzündən silinmək təhlükəsilə üzləşiblər. Bu aksiyanı keçirməkdə məqsəd onların haqq səsini dünya ictimaiyyətinə çatdırmaqdır. Onun sözlərinə görə, Kərkükə xüsusi status verilməlidir: "Kərkük Quzey İraqa tabe olmayacaq. Bu aksiyayla 140-cı maddə ölmüşdür. Bərzani, Talabani və digər kürd qruplarının bizə tətbiq etdiklərini rədd edirik. Böyük Türkiyəmizdən dəstək gözləyirik. Dövlət başçısı Abdulla Gül və baş nazir Rəcəb Tayyib Ərdoğandan yardım istəyirik". Yalçın Muhtapçı qeyd edib ki, türkmənləri etnik azlıq etmək istəyirlər. Bu planın da arxasında kürdlər və onları dəstəkləyən ABŞ dayanıb. Ancaq Kərkük türkləri son damla qanlarınadək mücadiləsini davam etdirəcək.

SEÇİLMİŞ XƏBƏRLƏR

Çox oxunanlar