Contact Us

SON XƏBƏRLƏR

Müharibəyə az qalıb?ABŞ-ın İrana zərbələr endirməsinə çox az qalıb...

2021.10.20, 07:36
Müharibəyə az qalıb?ABŞ-ın İrana zərbələr endirməsinə çox az qalıb...

Gunaz.tv
Müharibəyə az qalıb? avi0frairan_2sentyabr.jpg "ABŞ-ın İrana zərbələr endirməsinə çox az qalıb. Avropa Birliyinin bir neçə ölkəsinin, o cümlədən Hollandiyanın kəşfiyyat şəbəkəsi İranda fəalliyyətini dayandırıb. Xüsusi xidmət strukturlarının əməkdaşları ölkəni tərk edərək qonşu dövlətlərə yönəlir, orada bir müddət qalandan sonra Avropaya gəlirlər". Hollandiyanın "De Telegraaff" qəzeti son sayında bildirir ki, Birləşmiş Ştatların İrana qarşı keçirəcəyi hərbi əməliyyatın vaxtı, hətta saatı artıq müəyyənləşdirilib. Son illər ərzində Hollandiyanın AİVD kəşfiyyat xidməti İranda çox böyük uğurla fəaliyyət göstərib. Hollandiyalılar İranın müdafiə sənayesi, xüsusilə də nüvə və raket layihələrinin sabotajı ilə məşğul olublar. Əməliyyatların yarımçıq dayandırılmasının yeganə səbəbi isə okeanın o tayından alınan xəbərdarlıqdır. Amerikalıların İrana zərbələr endirəcəyi təqdirdə Hollandiyanın bu ölkədəki casus şəbəkəsinin çalışdığı obyektləri də bombalanacağı vurğulanır. "Agentlərdən biri AİVD-ə məlumat verib ki, ABŞ-ın İrana hücumu 4 həftə sonra olacaq və bu əməliyyat əsasın pilotsuz təyyarələr vasitəsilə həyata keçiriləcək. İranın nüvə sənayesi obyektləri və hərbi bazaları bombalanacaq. Onların aşkarlanıb dəqiqləşdirilməsində holland agentlər çox böyük rol oynayıblar. Amerikalıların zərbələri nəticəsində holland agentləri aşkarlamamaq üçün AİVD-in İrandakı casus şəbəkəsi bütünlüklə fəaliyyətini dayandırıb. Hazırda şəbəkənin 24 mənsubu İranla qonşu dövlətlərdədir", - AİVD-dəki mənbə bildirib. Hollandiyanın kəşfiyyat və əks-kəşfiyyat strukturu olan AİVD-in İrandakı agentura şəbəkəsi mənsublarının üz tutduqları qonşu ölkələr arasında Azərbaycanın da olduğu bildirilir. Holland kəşfiyyatçılar və casuslar şübhə yaratmamaq və mümkün izlənmənin qarşısıı almaq üçün ölkəmizdən tranzit ərazi kimi istifadə edərək, qısamüddətli "qonaqlıq"dan sonra Bakını tərk ediblər. Holland hərbi ekspertlərin dediklərinə görə, ABŞ İrana qarşı həyata keçirəcəyi hərbi əməliyyatlar zamanı Türkiyə, Gürcüstan və Azərbaycan ərazilərindən istifadə etməyəcək. Əsas qüvvələr Fars Körfəzindəki hərbi gəmilər, Küveyt, Oman, Səudiyyə Ərəbistanı, Bəhreyn, Qətər, İraq, İsrail və Əfqanıstandakı bazalardan qalxacaq. Olayla bağlı Milli Təhlükəsizlik Nazirliyinə müraciət etdikdə əməkdaşımıza bildirildi ki, Hollandiyanın AİVD xüsusi xidmət strukturunun əməkdaşlarının Azərbaycana gəlməsi barədə iddialar əsassızdır: "Belə xəbərləri şərh etmək istəməzdik". Hollandiya mediası isə İrana qarşı hərbi əməliyyatlarla bağlı olaraq ABŞ-ın qonşu ölkələrə "müşahidəçi missiyası" ilə hərbçi ekspertlərini yollamağa başladığını iddia edir. Hüseyn BAKUVİ express

SEÇİLMİŞ XƏBƏRLƏR

Çox oxunanlar