Contact Us

SON XƏBƏRLƏR

Rusiya Qərb qarşısında taqət gətirə bilməz_Zərdüşt Əlizadə: «Əgər iş ciddi münaqişəyə çatsa, Rusiya bütün dünya ilə birlikdə intihar edə bilər»

2021.10.20, 07:36
Rusiya Qərb qarşısında taqət gətirə bilməz_Zərdüşt Əlizadə: «Əgər iş ciddi münaqişəyə çatsa, Rusiya bütün dünya ilə birlikdə intihar edə bilər»

Gunaz.tv
“Rusiya Qərb qarşısında taqət gətirə bilməz” zerdust_elizade.jpg Zərdüşt Əlizadə: «Əgər iş ciddi münaqişəyə çatsa, Rusiya bütün dünya ilə birlikdə intihar edə bilər» Rusiya ilə Gürcüstan arasında başlanan münaqişənin ilk günlərindən əsas hədəfin Bakı-Tiflis-Ceyhan neft kəmərinin olduğu bildirilirdi. Kəmərin minalanması ilə bağlı xəbərlər də bunu deməyə əsas verirdi. Lakin bəzi ekspertlər Rusiyanın belə bir addım ata biləcəyini istisna edir. Bu günlərdə “Röyters” agentliyinin BTC kəməri ətrafında bombardman nəticəsində əmələ gəlmiş çökəklərin təsvirini yayması yenidən bu mövzuya qayıtmağa əsas verib. Bəzi fikirlərə görə, bombaların kəmərin yaxınlığına düşməsi Rusiyanın nə vaxtsa kəməri hədəf alacağından xəbər verir. Məsələyə münasibət bildirən politoloq Zərdüşt Əlizadənin fikrincə, Rusiyanın kəməri partlatmaq istəyində olması istisna edilmir: “Münaqişənin ilk günündən Rusiya çalışırdı ki, Gürcüstana mümkün qədər çox ziyan vursun, hərbi və iqtisadi strukturlarını dağıtsın. Ola bilər kəməri də partlatmaq istəyiblər. Lakin belə olacağı təqdirdə Qərbin cavabı daha sərt olar. Bu isə Rusiya üçün acı nəticələrə gətirib çıxaracaq. Amma madam ki, Rusiyanın bu niyyəti baş tutmadı, bombalar kəmərə düşmədi, ona görə də Avropanın reaksiyası yumşaq olacaq”. Z.Əlizadə eyni zamanda bombaların kəmərə düşməməsinin Rusiyanın xəbərdarlığı ola biləcəyini qeyd etdi: “Ola bilər ki, bu, Rusiyanın xəbərdarlığıdır. Əgər iş ciddi münaqişəyə çatsa, Rusiya Qərbə uduzacaq. Çünki Qərbin qarşısında taqət gətirə bilməz. Rusiya ancaq bütün dünya ilə birlikdə intihar edə bilər. Başqa heç bir şeyə gücü çatmaz”. Fizzə azadliq

SEÇİLMİŞ XƏBƏRLƏR

Çox oxunanlar