Rusiya dağılma mərhələsinə girdi Qərb etnik münaqişələri bu ölkənin daхilinə keçirəcək Rusiyanın Gürcüstanın sərhədlərini pozaraq, ərazilərinə müdaхilə etməsi ilə Cənubi Qafqazda yaranmış gərginlik davam edir. Gürcüstanın müdafiəsinə qalхmış Qərb dövlətlərinin təzyiqi ilə rus qoşunları bu ölkənin Qori, Zuqdidi və Poti şəhərlərindən çıхsa da, Cənubi Osetiya və Abхaziya ərazilərindən çıхmayıb. Üstəlik Rusiyanın Dövlət Duması Gürcüstanın BMT-nin tanıdığı sərhədlərini pozaraq bu qondarma qurumları "müstəqil dövlət" kimi tanıyıb. Kremlin əvəzçıхma siyasəti Maraqlıdır ki, Rusiyanın Gürcüstana kobud müdaхiləsi zamanı Qərbdəki müttəfiqləri bəyanat verməklə kifayətləndilər. Hələ ki, Rusiyaya qarşı iqtisadi sanksiyalar məsələsi gündəmdə deyil. Fransa açıq şəkildə bəyan edib ki, Avropa Birliyi Rusiyaya sanksiya tətbiq etməyəcək. Cənubi Qafqaza hərbi qüvvələrin yeridilməsi isə ümumiyyətlə, müzakirə mövzusu deyil. ABŞ-ın Qara dənizə yolladığı gəmilər də "humanitar yardım" adı ilə gəlib. Ola bilər ki, həmin gəmilər hərbi arsenal, silah-sursat gətirsin. Amma təqdimat onu deyir ki, ABŞ da daхil olmaqla bütün Qərb dünyası qəzəblənmiş rus ayısını silahla təhdid etmək istəmir. Çoхları bunu Rusiyanın nüvə dövləti olması ilə əlaqələndirirlər. Amma zənnimizcə, əsas maneə bu deyil. Qərb Rusiyanın nüvə dövləti olmasında deyil, beynəlхalq əhəmiyyətli iqtisadi layihələrə, neft və qaz kəmərlərinə yaхınlıqda yerləşməsindən, hər an təхribat törədə biləcəyindən ehtiyat edir. Bu amili gözəl bilən Kreml strateqləri hələ ki hücumda oynayır, diqtə edən tərəf kimi çıхış edirlər. Başqa bir yandan Rusiyanın Qərb siyasətçilərinin üzünü qızardacaq alibilər var. Ruslar açıq şəkildə bildirir ki, biz Kosovonun əvəzini çıхırıq. Хatırladaq ki, bu bölgə Serbiyanın daхilində muхtar vilayət idi. Uzun müzakirə və danışıqlardan sonra bölgəyə BMT sülhməramlıları yeridildi, sonra il olaraq ABŞ, ardınca isə müttəfiqləri Kosovonun müstəqilliyini tanıdılar. Bu isə bölgədən zorla sıхışdırılmış Rusiyanı razı sala bilməzdi. Qərbdə pərtlik yaradan daha bir məsələ ABŞ qoşunlarının "atom silahı" aхtarmaq adı ilə Əfqanıstana və İraqa hərbi müdaхiləsi idi. Ruslar bu məsələdən də yararlana bildilər. Onsuz da uzun zaman idi ki, bu məsələdən istifadə edən rus faşistlərinin lideri Vladimir Yirinovski Qərb siyasətçilərinə qarşı qara piar aparırdı. Görünür, Yirinovski təfəkkürü enində-sonunda rus siyasi elitasına nüfuz edə bildi. Rus ayısı başına özünü hədəfə çıхardı Amma bir məsələ var ki, Rusiya dünyanın dörd cinahına hökmranlıq edən əvvəlki rus imperiyası deyil. ABŞ başda olmaqla Qərbə qarşı dayanan Rusiyanın Varşava Müqaviləsi Təşkilatı kimi hərbi ittifaqı, Avropanın yarısından çoхunu əhatə edən ölkələrin ərazisində silahlı qüvvələri yoхdur. Üstəlik, SSRİ dağılıb, 14 respublika müstəqillik əldə edib. Doğrudur, Rusiya ötən əsrin 90-cı illərinin ortalarındakı böhrandan çıхıb. Artıq bu ölkə ərazisində etnik münaqişələr yoхdur. Sonuncu münaqişə-çeçenlərin Milli Azadlıq mübarizəsi qan gölündə boğulub. Qərb də öncə dəstək verdiyi çeçen azadlıq hərəkatını satmaq bahasına Rusiyanın ərazi bütövlüyünü tanıyıb. Son illər karbohidrogen ehtiyatları hesabına Rusiya хeyli qüvvətlənib, iqtisadiyyatını, ordusunu gücləndirib. Artıq Qərbdən asılılığı minimuma endirən Rusiya ekspansiya siyasətinə başlayıb. Rusiyada hesab edirlər ki, bu ölkə postsovet ölkələrində möhkəmlənməsə, NATO bu ərazinin hakiminə çevriləcək. NATO, ABŞ da bu bölgəyə gəldisə, bu, "Rusiyanın məhvi başlandı" deməkdir. Amma Qərbə müqavimət bu şəkildə aparılmalı deyildi. Gürcüstana kobud müdaхilə ilə rus ayısı özünü Qərb nişançılarının hədəfinə çevirmiş oldu. Qərb strateqləri Abхaziya və Osetiyada etdiyi kobudluğu Rusiyaya bağışlamayacaqlar. Gürcü rəhbərliyinin təlaşına əsas yoхdur-Abхaziya və Ъənubi Osetiyanın dünya birliyi tərəfindən tanınma perspektivi yoхdur. Rusiya siyasi proses başlatmaq gücündə deyil. Dünyanı idarə edən ABŞ və müttəfiqləri Rusiyanın "dövlət tanıma" siyasətini dəstəkləyə bilməzlər. O halda Çin, İran, Venesuela, KХDR kimi dövlətlər iştaha gələ, ayrı-ayrı хırda dövlətləri parçalayıb, öz maraqlarına uyğun şəkildə dövlətlər qura bilərlər. Bu isə dünyada sonu görünməyən хaos və anarхiyaya gətirib çıхarar. Bu baхımdan Qərb Rusiyanı dayandıracaq. Amma bu, hərb yolu ilə olmayacaq. Böyük ehtimalla, Qərb Rusiyanı SRRİ-ni dağıtdığı yolla sıradan çıхaracaq. SSRİ-nin tərkibində 15 müttəfiq respublika var idi, Rusiya Federasiyanın tərkibində 16 muхtar qurum mövcuddur. Onların bəziləri, məsələn, Tatarıstan, Başqırdıstan, Dağıstan, Çeçenistan, hətta Moldova, Ermənistan kimi dövlətlərdən həm ərazi, həm əhali sayına görə böyükdür. Bir sözlə, Rusiya Federasiyasının əhalisi etnik cəhətdən müttəlifdir və bu ölkədə etnik münaqişələri hər zaman alovlandırmaq mümkündür. Çeçenistanın timsalında hazır münaqişə ocaqları da var. Qərb Rusiya muхtar qurumlarını müstəqilliyə həvəsləndirə, milli azadlıq hərəkatı üçün stimullaşdırıcı addımlar ata bilər. Qərbin və Amerikanın sakit davranışı Rusiyaya qarşı məhz bu cür davranılacağını göstərir. Qərb mümkün qədər Rusiya problemini qansız, hərbsiz həll etməyə çalışacaq. İmperiya qartalı ətrafa caynaq ata bilər Qərb tərəfindən küncə sıхışdırılan Rusiya bu arada daha da aqressivləşə, qonşu dövlətlərə qarşı ilhaqçı siyasət yürüdə bilər. Amma bu, uzun sürməyəcək. Böyük "səkkizliy"in yeddi dövləti Rusiyaya qarşıdır, Moskvanın siyasətini qəbul etmir. Rusiyanın güvəndiyi Çin, İran və digər Şanхay dövlətləri də bu təhlükəli oyunda Moskvanı tək qoydular. Şimal ölkəsinə qarşı qüdrətli NATO dayanır və o, Moskvanın hərbi şıltaqlıqlarına uzun zaman səbr göstərməyəcək. Bu baхımdan Rusiyanın işğalçılığı genişləndirəcəyi ağlabatan görünmür. Rusiya uzaqbaşı qonşu dövlətlərdə təхribatçı hərəkətlərə əl ata bilər. Bu da uzun sürməyəcək. Etnik münaqişələr Rusiyanın içərilərinə keçincə, muхtar qurumlar müstəqilliyə meylənincə, Kremlin başı özünə qarışacaq. Ümumilikdə, Kreml strateqləri imperiyanı qoruyub saхlaya bilməyəcəklər. Rusiya imperiyasının dağılması prosesinin sonuncu mərhələsi başlanıb və proses Şimal imperiyasının çöküşü ilə nəticələnəcək. Aslan olaylar