Erməni əsirliyində

SON XƏBƏRLƏR

Erməni əsirliyində

2021.10.20, 07:36

Gunaz.tv

Erməni əsirliyində Yaxud bir şəkilin tarixçəsi

Azərbaycanın İşğal Olunmuş Ərazilərindəki Tarix və Mədəniyyət Abidələrini Müdafiə Təşkilatı İctimai İirliyinin sədri Faiq İsmayılovun redaksiyamıza təqdim etdiyi fotoşəkil günün olayları üzərində kökləmiş ovqatımı alt-üst elədi. AŞ PA sədrinin açıqlamalarını, Türkiyədə oynanılan AKP-Ergenokon komediyasını və daha nələri bütün göz önündə olan və olmayan çalarlarına kimi unutdum. Dəyərli oxucular, Sizə təqdim olunan bu fotoşəkildəki insanlar bizim babalarımız, nənələrimiz, ata və analarımız, bacı və qardaşlarımızdır... Qanı bir, dili bir soydaşlarımızdır. Murad Yenigün Allah bəndələridir, bəşər övladlarıdır. Bu fotoşəkilin 2004-cü ildə, Azərbaycanın işğal altında olan Laçın rayonunda çəkildiyi ehtimal olunur. Şəkildəki şəxslərin milli kimliyi və nə səbəbdən belə bir durumda olduqları yəqin ki, anlaşılır. Erməni əsirliyində olan Azərbaycan vətəndaşlarıdır! Diqqətlə baxın... bəlkə onlardan birini, yaxud bir neçəsini tanıdınız! Ancaq təkcə tanımaq üçün baxmayın... Erməni əsirliyində ölüm-dirim mücadiləsi verən, hər gün, hər saat, hər an alçaldılan bu adamların yerində biz də, doğmalarımız da ola bilərdi... Bu fotoşəkilə hər kəs diqqətlə baxsın, cənnət yurdunu düşmən tapdağında qoyub Abşeronun qumsal torpaqlarında bir məzarlıq yer üçün qan davasına çıxanlar da, şəhid ailələrini qapı-qapı diləndirənlər də, kütləvi informasiya vasitələrində qondarma obrazınlarına "qəhrəmanlıq" cizgiləri yapanlar da, maddi, siyasi və digər saysız-hesabsız digər maraqlarının mücadiləsini aparanlar da... Bu nakəslər siyahısını sonsuza qədər uzatmaq olar. Ehtiyac varmı? Kölə seçimi ...Şəkildə gördüyünüz insanlar ermənilərin, biz isə maraqlarımızın əsiriyik. Onlar bu yazını-qədəri özləri, bilərəkdən seçməyiblər. Biz isə özümüz seçmişik - torpaqlarımızın işğal altında, ana-bacılarımızın əsirlikdə olmasına, namusuna təkrar-təkrar təcavüz edilən qızlarımızın dünyaya erməni uşağı gətirməsinə, soyumuzun aşağılanmasına dözərək miskin bir ömür yaşamağı, pul-para, var-dövlət, hakimiyyət savaşını... Özümüz seçmişik! xalqcebhesi

GUNAZ.TV

SON XƏBƏRLƏR