Tehranda üzlərini qrimləyən 5 qız oğlan geyimində stadiona daxil olaraq futbol matçını izləyə biliblər

SON XƏBƏRLƏR

Tehranda üzlərini qrimləyən 5 qız oğlan geyimində stadiona daxil olaraq futbol matçını izləyə biliblər – FOTO və 1 VİDEO

2021.10.20, 07:36

Gunaz.tv

GünAzTV: İranda üzlərini qrimləyərək, bıq və saqqal qoyan 5 yeniyetmə qız, aprelin 27-də futbol üzrə ölkə çempionatının Super Liqa mərhələsində keçirilən yarışda Tehranın Azadlıq stadionuna daxil olaraq matçı yaxından izləyə biliblər.

Tehranın Azadlıq stadionunun giriş qapılarında polisin güclü nəzarətinə baxmayaraq, qızların bütün maneələrdən keçərək, stadiona daxil ola bilməsi sosial şəbəkələrdə internet istifadəçilərinin, eləcə də gender bərabərliyi uğrunda mübarizə aparan insanların sevinci ilə qarşılanaraq, alqışlanıb.

Adları mediaya bəlli olmayan bu qızların stadiondakı şəkillərini sosial şəbəkələrdə yaymasından sonra tutulub-tutulmaması barədə hər hansı bir məlumat yayılmayıb.

Xatırladaq ki, aprelin 27-də paytaxtın Azadlıq stadionunda keçirilən matçda, Tehranın “Perspolis” futbol komandası rəqibi “Sepidrud” takımı ilə qarşılaşıb. Görüş, 3-0 hesabı ilə “Perspolis”in xeyrinə yekunlaşıb.

Qeyd edək ki, İran İslam Respublikasında qadınların stadionlara və idman zallarına girişi qadağandır. Son illər, qadınlar hökumətin onlara qarşı yürütdüyü ayrı-seçkilik siyasətinə etiraz bildirərək bu qadağanın aradan qaldırılmasını tələb edirlər. Həmin qadağanın nəticəsidir ki, bəzi qadınlar bütün təhlükələrə baxmayaraq, vaxtaşırı kişi geyimində stadionlara daxil olmağa çalışır və bunun acı nəticələri ilə üz-üzə qalırlar.

VİDEO:

A.M

Açar Sözlər :

Tehran

GUNAZ.TV

SON XƏBƏRLƏR