İran Suriyada baş verən hadisələrdən qorxuya düşüb

SON XƏBƏRLƏR

İran Suriyada baş verən hadisələrdən qorxuya düşüb

2021.10.20, 07:36

Gunaz.tv

GünAz TV: İran parlamentinin spikeri (sədri) Əli Laricani Türkiyə hökumətini Suriya və yaxın qonşularla münasibətdə ehtiyatlı davranmağa çağırıb. Əks halda spiker İranın bu məsələlərə cavab verəcəyini bildirib.

Siyasi ekspert (karşünas) Rahim Hacıyev deyir ki, Əli Laricaninin bu açıqlaması Suriyadakı proseslərin (sürəc) sürətlənməsi və İrana yaxınlaşmasının göstəricisidir: “Bu o deməkdir ki, Suriyada həlledici məqam görünməkdədir. İran bu təhlükəni üzərində hiss edir və ehtiyat edir ki, eyni proses Suriyadan onlara da keçə bilər. İran indidən bu məsələni gündəmə gətirməklə Türkiyə tərəfindən təminat almaq istəyir. Yəni, Suriyadan sonrakı proseslərdə İrana hər hansı keçid baş verərsə, Türkiyə Suriyada olduğu kimi, İranda fəal olmayacaq. Yaxud Qərb ölkələrini dəstəkləməyəcək”.

R.Hacıyevin sözlərinə görə, Türkiyə NATO-nun və ABŞ-ın (Amerika Birləşmiş Ştatları) raket əleyhinə komplekslərini ölkəsində quraşdırmağa razılıq verdiyindən İran üçün yeni təhlükəyə çevrilib: “Bu da İranı narahat edən məsələlərdən biridir. Eyni zamanda Türkiyənin öz xalqlarına qarşı zorakı davranan hökumətlərə münasibəti də İranı narahat edir. Bilirsiniz ki, İranda vaxtaşırı Azərbaycan türkləri fəallaşır və İran hökumətin zorakı metodlarla bunun qarşısını alır. İran hesab edir ki, güneydəki azərbaycanlılar milli azadlıq uğrunda mübarizəyə başlasalar və bu prosesə İranın zorakı müdaxiləsi olsa, Türkiyə bunu da yaxşı qarşılamayacaq. Ona görə İran indidən özünü təhlükələrdən sığortalamaq (bimə etmək) istəyir. Türkiyə isə hazırkı siyasi vəziyyətdə öz kursunda çox ardıcıldır. Dünyanın yenidən şəkillənməsindəki missiyasını (görəvini) başa düşür. Bu da İranı narahat etməyə bilməz”. Azadlıq qəzeti

GUNAZ.TV

SON XƏBƏRLƏR