GünAz TV: Bir zamanlar İranda cəmiyyət BBC-ni Tehran hakimiyyətinin «danışan dili» adlandırırdı. Son bir neçə ildə İslam Respublikası (Cümhuriyyəti) bu şirkətlə «yola getmir».

«Assoşieyted Press»-in məlumatına əsasən. Britaniyanın BBC teleradio şirkətinin fars dili redaksiyasında (ofis) çalışan 5 nəfər həhbs olunub.

Hakimiyyət onları İran həyatına dair «xoşa gəlməyən» videoyazılar, reportajlar (quzarişlər) hazırlamaqda ittiham edib.Tehran iddia edir ki, bu informasiya vasitəsi bir qayda olaraq, islam Respublikasına qarşı «materiallar (sənəd, əsər) yayır».

İranın informasiya vasitələrinin yaydığı xəbərə əsasən, həbsdən bir neçə gün öncə BBC-yə təhlükəsizlik qurumları tərəfindən əməkdaşlarının tutulacağı haqda xəbərdarlıq göndərilib. Tutulanların hamısı İran vətəndaşıdır. Hələlik tutlanların kimliyi açıqlanmır.

BBC-nin fars redaksiyasının rəhbəri Sadıq Səba “Azadlıq” radiosunun fars xidmətinə açıqlamasında İranda BBC əməkdaşlarının tutulması xəbərini təkzib edib.

Sentyabrın (September) 17-də İran Teleradio Şirkətinə bağlı Gənc Jurnalistlər Klubu İranda BBC-nin gizli şəbəkəsinin aşkarlandığını, bu şəbəkə ilə əməkdaşlıq edən 6 İran vətəndaşının tutulduğunu yayıb.

Sadıq Səbanın sözlərinə görə, İranda BBC-nin heç bir əməkdaşı yoxdur: “Əvvəllər İranda BBC-nin ingilis redaksiyasının ofisi fəaliyyət göstərirdi. Lakin 2009-cu ildə keçirilən prezident seçkisindən sonrakı etirazlarda bu ofisi bağlayıb oradakı müxbirləri ölkədən qovdular. Hazırda bizim İranda istər rəsmi, istərsə də qeyri-rəsmi heç bir işçimiz yoxdur.

Əlbəttə, biz BBC-nin İranda fəaliyyət göstərməsini istərdik. Bu barədə dəfələrlə İran hakimiyyətinə müraciət etmişik. Lakin bizim İranda fəaliyyət göstərməyimizə imkan vermirlər”."

BBC-nin isə İranda müxbir məntəqəsi 3 ilə yaxındır yoxdur.

Hələ 2009-cu ilin  yayında keçirilmiş prezident seçksindən sonra bu siyasi kampaniyanını rəsmi nəticələrinə cəmiyyət və namizədlər etiraz etdi. Tehran hakimiyyəti etirazçıları xarici dövlətlərə işləməkdə suçlamaqla yanaşı, bir sıra tanınmış radiostansiyaları (radio istqahı) da ölkədə «pozuculuq» fəaliyyati ilə məşğul olmaqda qınadı. Hətta televiziya vaistəsi ilə «etiraf edənlər» onları kütləvi etiraz nümayişlərində çıxışa Bi-Bi-Si, «Alman dalğası», «Amerikanın səsi» və  «Azadlıq» radiolarının təhrik etdiyini bildirdilər.

Qərbin teleradio şirkətləri- Bi-Bi-Si, «Alman dalğası», «Amerikanın səsi» verilişlərinin yayımına yaratdığı süni maneələrlə bağlı Tehran hakimiyyətini kəskin qınayıblar.

Üç şirkətin yaydığı birgə bəyanatda qeyd edilmişdiki,  İslam Respublikası onlraın verilişlərini əngəlləməkdən ötrü «Hotbrid» adlı telelkommunikasiya (irtibatat…) peykinin yardımı ilə «boğucu» elektron siqnallar buraxır.

Bi-Bi-Si, «Alman dalğası» və «Amerikanın səsi» bəyanatında o da vurğulanmışdı ki, onların verilişlərinin ötürülməsinin «boğulması» İrandakı inqilabın 31-ci ildönümü günü və o ərəfədə baş verib.

Bir müddət öncə İran İslam Respublikasının (Cümhuriyyətinin) İnternet-saytlara və Mobil əlaqələrə qarşı «blok» tətbiq etməsini ciddi qınamışdı. Ötən gün isə Tehran «Google Mail»ə qoşulmanı əngəlləmişdi.

Bu ilin əvvəlində isə İran hakimiyyəti «Frans Press»-in Tehrandakı bürosunun başçısı Cey Deşmuku ölkədən qovmuşdu.

«Cey peşəkardır. Onun deportasiyası (deport) anlaşılmaz və qəbuledilməzdir. «Fran press»in jurnalistləri Tehranda öz işlərinin öhdəsindən gəlirlər»-deyə, agentliyin informasiya xidmətinin direktoru Filipp Massonnet bildirmişdi.

40 yaşlı Cey Deşmuk milliyətcə hindlidir. O, 2009-cu ildən agentliyin Tehrandakı bürosuna başçılıq edir. C.Deşmuk 2001-ci ildən «Frans press»də çalışır. O, müxbir kimi fəaliyyət Mumbaydan başlayıb. 2005-2008-ci ildə Bağdadda çalışıb.

Sədrəddin Soltan