Əhmədinejad: “İran dost Ermənistanla münasibətlərin daha da möhkəmlənməsində maraqlıdır”

SON XƏBƏRLƏR

Əhmədinejad: “İran dost Ermənistanla münasibətlərin daha da möhkəmlənməsində maraqlıdır”

2021.10.20, 07:36

Gunaz.tv

GünAz TV: Ermənistanın xarici işlər naziri Edvard Nalbandyan Tehranda Dağlıq Qarabağ münaqişəsi ilə bağlı danışıqlar aparıb.

"İran dost Ermənistanla münasibətlərin daha da möhkəmlənməsində maraqlıdır". Bunu İran prezidenti Mahmud Əhmənidejad Tehranda Ermənistanın xarici işlər naziri Edvard Nalbandyanla görüşdə deyib.

Ermənistan XİN-in mətbuat xidmətinin məlumatına görə, Edvard Nalbandyan Ermənistan prezidenti Serj Sarkisyanın məktubunu Mahmud Əhmədinejada çatdırıb.

Görüşdə tərəflər iki ölkə arasındakı əməkdaşlıqın səviyyəsindən razılıq ifadə ediblər. Mahmud Əhməninejad və Edvard Nalbandyan qarşılıqlı səfərlərin, yüksək səviyyəli siyasi dialoqun, iqtisadi və mədəni əlaqələrin inkişaf etdirilməsinin vacibliyini də vurğulayıblar. İran və Ermənistan arasında birgə iqtisadi proqramların gedişi də müzakirə edilib. Ermənistanın xarici işlər naziri iranlı həmkarı Əli Əkbər Salehi ilə də görüşüb. İranlı nazir bəyan edib ki, Ermənistanla dostluq münasibətləri gündən-günə daha da dərinləşir. Edvard Nalbandyan isə deyib ki, Ermənistan və İran arasında heç bir problem yoxdur. "Yalnız texniki məsələlər var və onlar ümumi səylərimizlə həll edilir" - Ermənistanın XİN rəhbəri bildirib. Görüşdə Ermənistan və İran arasında diplomatik əlaqələrin qurulmasının 20-ci ildönümü ilə əlaqədar tədbirlərin keçirilməsi barədə razılıq əldə edilib. Edvard Nalbandyan bildirib ki, Ermənistan bölgədə uzunmüddətli sülhə və sabitliyin bərqərar olmasının, problemlərin yalnız danışıqlar və dialoq yolu ilə həllinə tərəfdardır. O, Dağlıq Qarabağ münaqişəsinin nizamlanması üzrə danışıqların gedişi barədə məlumat verib və İranın bu məsələdə balanslı siyasətinin vacibliyini qeyd edib.

GUNAZ.TV

SON XƏBƏRLƏR