Ərdoğan MİT rəhbərini müdafiə etdi: «Hətta xətası olsa da, Hakan bəyi xərcləyə bilmərik»

SON XƏBƏRLƏR

Ərdoğan MİT rəhbərini müdafiə etdi: «Hətta xətası olsa da, Hakan bəyi xərcləyə bilmərik»

2021.10.20, 07:36

Gunaz.tv

GünAz TV: Türkiyənin baş naziri Rəcəb Tayyib Ərdoğan MİT ((Milli İstihbarat Təşkilatı)) rəsmiləri və PKK rəhbərlərinə aid olduğu iddia edilən səs yazıları ilə bağlı açıqlama verib.

Baş nazir Liviyaya (Libiyə) gedərkən təyyarədə jurnalistlərin suallarını cavablandırıb.

Ərdoğan bu səs yazısını kimin sızdırdığına dair məlumatının olmadığını deyib: «Hakan bəyə araşdırmaları aparması üçün səfərin Tunis və Liviya (Libi) hissəsində iştirak etmə, dedim». Ərdoğan «Hakan Fidan vəzifəyə gəldiyi gündən etibarən bir ölkənin hədəfindədir. Eyni ölkə sizin Misir səfərinizdən narahatdır. Arada bir əlaqə görürsünüzmü» sualını belə cavablandırıb: «Məlum dairələrin keçmişdə də Hakan bəyi hədəfə aldığını bilirsiniz. Sızmanın necə olduğunu araşdırırıq. Amma xətası da olsa Hakan bəyi xərcləyə bilmərik. Biz hələm-hələm adam yemərik. Bu hadisə onu sızdıranların içindəki pis niyyəti ortaya qoydu. Amma bu, kimsəyə bir şey qazandırmaz».

Baş nazir yayınlanan səs yazısının siyasətdə istifadə olunmasına pis baxdıqlarını bildirib: «Kılıçdaroğlu və Baxçalının açıqlamaları səbəbilə təlaş içində deyiləm. Əmrə Taner bəyi də (əvvəlki MİT rəhbəri), Hakan bəyi də ürək rahatlığı ilə İmralıya göndərdik. Bunlar hökumət anlayışı ilə dövlət anlayışını ayırd edə bilmirlər. Biz nə dedik? Dedik ki, hökumət olaraq İmralı ilə müzakirə aparmarıq. Amma dövlət üzərinə düşəni edər. İndi mən bunlarla necə terrorla mübarizə edim, siz deyin». Ərdoğan sızma olayının prosesə (sürəcə) təsir etməyəcəyini bildirib: «Dövlət üzərinə düşəni etməyə davam edəcək. Bu, prosesə təsir etməz. İstədikləri qədər təhdid mexanizmi yaratsınlar. Dövlət verdiyi qərarı tətbiq edər».

GUNAZ.TV

SON XƏBƏRLƏR