GAMAC nümayəndə heyəti ilə BMT nümayəndəsinin görüşü olub

SON XƏBƏRLƏR

GAMAC nümayəndə heyəti ilə BMT nümayəndəsinin görüşü olub

2021.10.20, 07:36

Gunaz.tv

GünAz TV: Güney Azərbaycan Milli Azadlıq Cəbhəsinin (GAMAC) nümayəndə heyəti sentyabr (September) ayının 12-də BMT-nin (Birləşmiş Millətlər Təşkilatının) İranda insan haqları üzrə xüsusi nümayəndəsi Əhməd Şəhidlə rəsmi görüş keçirib.

Bir saat 30 deqiqə davam edən görüş zamanı Güney Azərbaycanda baş verən son hadisələr, o cümlədən Urmu gölünün İran dövləti tərəfindən məqsədyönlü qurudulması və bunun nəticəsində 14 milyon azərbaycan türkünün yaşadıqları tarixi torpaqlardan deportasiya (ixrac) edilməsi, Azərbaycanın Marağa və Binab şəhəri yaxınlığında tikilən Kavesoda kimyəvi zavodun (şimiyayi karxanə) zəhərləyici mayesinin Urmu gölünə axıdılması, 30 milyondan çox azərbaycanlının Ana dilində təhsil alma hüququndan məhrum edilməsi, Güney Azərbaycanda yaşayan türklərin bütün bu kimi qeyri- insani siyasətə qarşı kütləvi dinc etirazları və etirazlar zamanı bir çox milli fəalın qeyri-qanuni həbsi ilə bağlı dəqiq məlumatlar verilib. Həmçinin, GAMAC-nin sədri prof. Qulamrza Səbri Təbrizinin təşəbbüsü ilə bu günə kimi Güney Azərbaycanda iran rejimi tərəfindən həbs olunmuş milli fəalları haqqında hazırlanmış kitab da Ə.Şəhidə təqdim edilib.

Bundan başqa Güney Azərbaycanın müxtəlif problemləri ilə bağlı 100 səhifəlik sənəd təqdim olunub. GAMAC Ə. Şəhiddən xahiş edib ki, onun İrana səfəri baş tutarsa bu məsələlər nəzərə alınsın və İran hökümətindən Azərbaycanlıların pozulmuş hüquqlarının təmin olunmasını tələb etsin. Əhməd Şəhid bütün verilən faktların (gərçəklərin) əhəmiyyətini nəzərə alaraq bu məsələlərə ciddi yanaşılacağı bildirilib. Sentyabr ayının 19-23 - də Cenevrədə yerləşən BMT-nin İnsan Haqları Şurasında GAMAC nümayəndələrinin bir sıra görüş və tədbirləri keçiriləcək.

Xəbəri hazırladı: GAMAC idarə heyətinin üzvü Sadiq İsabəyli

GUNAZ.TV

SON XƏBƏRLƏR