Contact Us

SON XƏBƏRLƏR

Bu gün Azərbaycanda yeni dərs ili başlayıb

2021.10.20, 07:36
Bu gün Azərbaycanda yeni dərs ili başlayıb

Gunaz.tv

GünAz TV: Prezident İlham Əliyevin 21 avqust (August) 2004-cü il tarixli fərmanı ilə ölkəmizin bütün təhsil müəssisələrində dərslərin sentyabrın (September) 15-dən başlanması qərara alınıb və beləliklə, 2004-cü ildən etibarən həmin gün Bilik Günü elan edilib.

 

GünAz TV mətbuat mərkəzinin “Gün.Az”-a istinadən yaydığı məlumata görə,  2004-cü ilə qədər sentyabrın 1-də başlayıb mayın 25-də bitən tədris ilinin Son Zəng Günü bu dəyişiklikdən sonra mayın 31-nə düşür.

 

Qeyd edək ki, yeni tədris ilində ölkəmizin ümumi təhsil məktəblərinin I sinfinə (kilas) 124274 şagirdin qəbul olunacağı proqnozlaşdırılır.

 

 2010-2011-ci dərs ilində I sinif şagirdlərinin sayı 120420 nəfər olub. Bu göstərici 2009-2010-cu tədris ilində isə 118947 nəfər təşkil edib.

 Yeni tədris ilində Bakı şəhərindəki ümumi təhsil məktəblərinin I sinfinə 33 min 464 şagirdin qəbulu gözlənilir. Ötən tədris ilində bu rəqəm 32812 nəfər təşkil edib.

 

 Ali Məktəblərin I kursuna gedəcək tələbələrin sayı isə təxminən 29500 təşkil edir.

 

 Bu tədris ilində orta məktəbləri 100 min nəfərin bitirəcəyi gözlənilir.

 Həmçinin qeyd edək ki, 2011-2012 tədris ilində 47 yeni orta məktəb şagirdlərin istifadəsinə veriləcək.

 

 Bunlarla yanaşı, 6 məktəb əsaslı təmir edilib, ayrı-ayrı bölgələrdəki məktəblərə 2 milyon manat dəyərində 12957 parta, 1080 yazı lövhəsi, 2095 müəllim stolu, 3750 müəllim stulu verilib.

SEÇİLMİŞ XƏBƏRLƏR

Çox oxunanlar