GünazTV March.19.2020: ABŞ və Kanada sərhəddi qeyri vacib trafikə bağlandı

SON XƏBƏRLƏR

GünazTV March.19.2020: ABŞ və Kanada sərhəddi qeyri vacib trafikə bağlandı

2021.10.20, 07:36

Gunaz.tv

Amerika Birləşmiş Ştatları Prezidenti Donald Trump, çərşənbə günü ABŞ-Kanada sərhəddinin qeyri-əhəmiyyətli trafikə bağlandığını açıqladı. Bu addım koronavirusa qarşı qorunma səyləri yeni bir səviyyəyə gətirəcək.

ABŞ Prezidenti Donald Trump və Kanada Baş naziri Justin Trudeau bildirdilər ki ABŞ-ın Kanada ilə sərhədi koronavirus pandemiyi səbəbiylə qeyri-vacib trafikə bağlı olacaq. Birləşmiş Ştatlar prezidenti tvit etdi: "Qarşılıqlı razılığa gəldik ki, Kanada ilə Şimal Sərhədimizi təməl olmayan trafikə bağlayacağıq. Ticarət təsir etməyəcək.”

Trump, digər bir tviter mesajında mövcud vəziyyəti müharibə şəraitinə bənzətdi: "İstəyirəm ki, bütün amerikalılar gözəgörünməz bir düşmənlə müharibə etdiyimizi başa düşsünlər, lakin bu düşmən Amerika xalqının ruhu və qətiyyətinə rəqib deyil. Virus həkimlərimizin, tibb bacılarımızın və elm adamlarının fədakarlığını aradan qaldıra bilməz.”

Washington Post qəzetinin yazdığına görə, ABŞ-ın Daxili Təhlükəsizlik Departamenti hələ də bağlanmanın xüsusiyyətləri üzrə işləyir, lakin yaxın günlərdə açıqlama verəcəyi ehtimal olunur. Bu siyasət ticarət mallarına və ya Birləşmiş Ştatların vətəndaşlarına və qanuni sakinlərinə şamil edilmir.

Wall Street Journal qəzeti də Trump administrasiyasının ABŞ-ın Meksika ilə sərhəddəki mühacirlərə və sığınacaq axtaranlara yeni məhdudiyyətlər daxil olmaqla bir növ hərtərəfli sərhəd bağlamasını nəzərdən keçirdiyini bildirdi. Trump, Çin, Avropa Birliyi və İngiltərədən gələn sərnişinlərə oxşar məhdudiyyətlər tətbiq edib. Bu tədbir Avropa Birliyinin xarici sərhədlərini AB üzvü olmayan vətəndaşlara bağlamağa razılıq verməsindən bir gün sonra gəldi.

Bazar ertəsi günü Trudeau, Amerika vətəndaşları xaricində ölkəsinin xarici sərhədlərini bağladığını söyləmişdi. Bununla birlikdə, o, çərşənbə günü səyahətçilərin istirahət və turizm üçün ABŞ-Kanada sərhəddini keçməsinə icazə verilməyəcəyini söylədi və insanları evdə qalmağa təşviq etdi. Trudeau, eyni zamanda "vacib səyahətlərin davam edəcəyini" vurğuladı.

ABŞ-Kanada sərhədinin bağlanması elanı, son günlərdə koronavirusun yayıldığı son dramatik hərəkətdir. Çərşənbə axşamı günü Avropa Birliyi də, koronavirusun yayılması səbəbiylə xarici sərhədlərini AB vətəndaşı olmayanlara bağlayacağını söyləmişdi.

Hər gün 200 minə yaxın insan ABŞ-Kanada sərhədini keçir və ABŞ ilə ticarət Kanadanın xarici ticarətinin və ixracatının təxminən 70 faizini təşkil edir.

Əhməd Haşimi, Günaz TV-nin Vaşinqton bürosu.

GUNAZ.TV

SON XƏBƏRLƏR