GünazTV March.21.2020: Pompeo: İrana humanitar yardımlar sanksiyalara tabe deyil

SON XƏBƏRLƏR

GünazTV March.21.2020: Pompeo: İrana humanitar yardımlar sanksiyalara tabe deyil

2021.10.20, 07:36

Gunaz.tv

Pompeo: İrana humanitar yardımlar sanksiyalara tabe deyil

İslam Respublikası koronavirus xəstəliyindən istifadə edərək beynəlxalq sanksiyaları qaldırmağa çalışsa da, Trump yonetimi, ABŞ hökumətinin İrana qarşı sanksiyalardan azad edilməsini təklif etməyəcəyini söylədi.

"Bütün dünya bilməlidir ki, İran'a humanitar ve insani yardım qapısı açıqdır, sanksiya verilməyib."

Bu sözləri dövlət katibi Mayk Pompeo cümə günü Prezident Donald Trump ilə Ağ Evdə keçirdiyi mətbuat konfransında söylədi.

“Biz irəliləməyə dəstək olmaq və maliyyə əməliyyatlarının İran üçün müyəssər olduğundan əmin olmaq üçün əlimizdən gələni edirik. İrana getmək üçün sanksiya yoxdur, bu ölkəyə daxil olmaq üçün sanksiya yoxdur. Onların dəhşətli problemi var və biz istəyirik ki, tibbi yardımlar İrandakı insanların əlinə çatsın" deyə ABŞ diplomatı əlavə etdi.

Bu açıqlama, ABŞ-ın bu həftə İrana qarşı yeni sanksiyalarını elan etdiyi vaxt gəlir. Ötən cümə axşamı Trump rəhbərliyi, Birləşmiş Ərəb Əmirliklərində yerləşən beş şirkəti, Çində yerləşən üç şirkəti, həmçinin Hong Kongdakı üç şirkəti və Cənubi Afrikadakı bir şirkəti, İranın neft-kimya sektoru ilə iş apardıqları üçün qara siyahıya aldı.

Digər tərəfdən, Dövlət katibi Mayk Pompeo, koronavirus pandemiyi ilə əlaqəli Çin, Rusiya və İranı dezinformasiya kampaniyaları keçirərək qorxu və qarmaqarışıqlıq yaymaqda ittiham etdi.

Prezident Trump və ABŞ-ın digər rəsmiləri coronavirusu "Çin virusu" adlandıraraq Pekinin ilk başlanğıcda virus təhlükəsini ört-basdır etməyə çalışdığını qınayıblar.

Əhməd Haşimi, Günaz TV-nin Vaşinqton bürosu

GUNAZ.TV

SON XƏBƏRLƏR