GünazTV April.09.2020: İrana casusluq ittihamı ilə bir israilli şəxsin tutulması

SON XƏBƏRLƏR

GünazTV April.09.2020: İrana casusluq ittihamı ilə bir israilli şəxsin tutulması

2021.10.20, 07:36

Gunaz.tv

İrana casusluq ittihamı ilə bir israilli şəxsin tutulması

İsrailin Daxili Təhlükəsizlik Agentliyi (Şin Bet) çərşənbə axşamı bir İsrail vətəndaşını İrana casusluq və İslam respublikası Kəşfiyyat Nazirliyi ilə əməkdaşlıq ittihamı ilə həbs etdiyini açıqladı.

İsrail təhlükəsizlik agentlikləri təqsirləndirilən şəxsin adını çəkməkdən imtina ediblər. Lakin İranın xüsusi xidmət orqanlarının İsrail vətəndaşından İsrailin stratejik bazaları, İsrail cəmiyyətini bölüşdürmə yolları, İsrail hədəflərinə qarşı terror hücumları və İranla əməkdaşlıqda maraqlı olan İsrailin Ərəb vətəndaşlarının siyahısı haqqında məlumat istədiklərini söyləyiblər.

İsrail kəşfiyyat xidmətinin verdiyi məlumata görə, müttəhim xarici səfərlər zamanı İran Kəşfiyyatı ilə əlaqəli şəxslər, o cümlədən Fələstin Qurtuluş Xalq Cəbhəsinin üzvü Xalid Yamani adlı bir Livan vətəndaşı ilə əlaqə qurmuşdu. Shin Bet'in sözlərinə görə, Fələstin Qurtuluş Xalq Cəbhəsi ilə İran'ın xüsusi xidmət orqanları aralarında İsrail əleyhinə sıx əməkdaşlıq var.

Ötən ilin əvvəlində də, Nigeriyada işləyən və yaşayan İsrailin keçmiş Enerji naziri Gonen Segev, İslam Respublikasına casusluq etdiyini etiraf etdi və 11 il həbs cəzasına məhkum edildi. Daha öncə həbs edilmiş və məhkəməsini gözləyən Segev, cəzasının azaldılması üçün ittihamların bir hissəsində günahkar olduğunu bildirmişdi.

İslam Respublikasının casusluq və təxribat səyləri təkcə İsrail ilə məhdudlaşmır və 24 Martda bir Alman məhkəməsi Abdul Hamid S. adlı bir əfqan tərcüməçisini İrana casusluq ittihamı ilə 6 il 10 ay həbs cəzasına məhkum etmişdi. Təxminən 20 ildir Alman ordusunda çalışan Abdul Hamid gizli sənədləri İslam Respublikası Kəşfiyyat Nazirliyinin agentlərinə təhvil vermişdi.

Baxmayaraq ki İranda və digər ölkələrdə millətlər Coronavirus epidemiyasıyla boğuşurkən və İran Yaxın Şərqdə ən çox Coronavirusa yoluxanlara malikkən, İran rejimi dünyada casusluq, təxribat və terror fəaliyyətlərini artırıb.

Əhməd Haşimi, Günaz TV, Vaşinqton

GUNAZ.TV

SON XƏBƏRLƏR