Azərbaycanlılar yeni Etirazlara hazırlaşır/ YENİLƏNİB

SON XƏBƏRLƏR

Azərbaycanlılar yeni Etirazlara hazırlaşır/ YENİLƏNİB

2021.10.20, 07:36

Gunaz.tv

GünAz TV: İran parlamentinin Urmu Gölü ilə bağlı iki təcili planı (tərhi) rədd etməsi, Güney Azərbaycanlıları qəzəbləndirdi.

Bu zəmində avqustun 27-si və sentyabrın 3-də (şəhrivərin 5 və 12-də) Azərbaycanın müxtəlif şəhərləri xüsusi ilə Urmu və Təbrizdə olduqca şiddətli Etiraz Yürüşləri baş tutdu. Dinc Etiraz Yürüşləri hökumət qüvvələri tərəfindən zorakılığa məruz qalsada xalqımız bir addım belə geri çəkilmədən Kütləvi Etirazı həyata keçirməyə nail oldu.

Abununla belə, yeni Etiraz Dalğasıda gözlənilir. Artıq Urmulu Milli Hərəkat fəalları, bir qrup Urmu əhalisi və Batı Azərbaycanlı soydaşlarımız yeni bəyanat yayıblar. Onlar mübarizənin müəyyən edilmiş tələblərin təmin ediləcəyinə qədər davam edəcəyini bildiriblər. Bildiridə soydaşlarımız bir daha Kütləvi Etiraz Yürüşünə çağırılır.

Yer: Urmu, İmam və Ətayi xiyabanlarının kəsişməsi (təqato)

Zaman: 6-cı gün (şənbə), 2011-ci il sentyabrın 10-u (1390-cı il şəhrivərin 19-u), yerli vaxtla saat 18:00

Təbrizli Milli Hərəkat fəalları isə 4-cü nömrəli Bəyanatlarını yayıblar. Onlar, öncəki Bəyanatlarda müəyyən edilmiş tələblərin təmin edilməsinə qədər mübarizənin davamının vacib olduğunu vurğulayaraq, 2011-ci il sentyabrın 10-u (1390-cı il şəhrivərin 19-u) Urmulu qardaşları ilə paralel (muvazi) olaraq bir daha Kütləvi Etiraz Yürüşü keçirəcəklərini bildiriblər:

Yer: Təbriz, Rasta Küçədən (Bazar ağzından) Ostandariyə (valiliyə) qədər.

Zaman: 6-cı gün (şənbə), 2011-ci il sentyabrın 10-u (1390-cı il şəhrivərin 19-u), yerli vaxtla saat 18:00

Qoşaçaylı (Miyanduab) Milli Hərəkat fəalları da bəyanat yayaraq, öz həmşəhrilərini Urmu Gölü ilə bağlı yeni Etirazlara dəvət ediblər. Onlar aşağıda qeyd etdiyimiz yerdə toplaşacaqlar:

Yer: Qoşaçay, əsli 4 yol (çaharrah), imam xiyabanı, milli bank, Şohəda və Taliqani kəsişməsi (təqato), Şohəda xiyabanı.

Zaman: 6-cı gün (şənbə), 2011-ci il sentyabrın 10-u (1390-cı il şəhrivərin 19-u)

Oxşar Bəyanat Mərəndli Milli Hərəkat fəalları tərəfindən yayılıb. Bəyanatda Mərəndli soydaşlarımızdan Urmu Gölünə dəstək və Kütləvi Etirazlarda aktiv olmaq istənilir:

Yer: Mərənd, Mərkəz ilə Əlmehdi məscidinin arası

Zaman: 6-cı gün (şənbə), 2011-ci il sentyabrın 10-u (1390-cı il şəhrivərin 19-u), yerli vaxtla saat 17:00

Növbəti bəyanat isə Azərbaycan Milli Hərəkatının Tehran qolu fəalları tərəfindən yayılıb. Onlar Urmu Gölünə dəstək vermək məqsədi ilə Kütləvi Etiraza hazırlaşırlar. Bəyanatda bütün Tehranlı soydaşlarımız, mədəni fəallar və “Traxtur” tərəfdarları, Yürüşə qatılmağa dəvət edilir. Kütləvi Yürüş eyni gündə Tehranda keçiriləcək “Traxtur-İstiqlal” müsabiqəsindən öncə baş tutacaq:

Yer: Tehran, İnqilab Meydanı (Azadiyə tərəf)

Zaman: 2011-ci il sentyabrın 9-u (şəhrivərin 18-i), yerli vaxtla saat 15:30 / “Traxtur_İstiqlal” müsabiqəsindən öncə

GUNAZ.TV

SON XƏBƏRLƏR