Rəsmi Vaşinqton İsrail-Türkiyə gərginliyinə münasibət bildirdi

SON XƏBƏRLƏR

Rəsmi Vaşinqton İsrail-Türkiyə gərginliyinə münasibət bildirdi

2021.10.20, 07:36

Gunaz.tv

GünAz TV: Anspress xəbər verir ki, ABŞ (Amerika Birləşmiş Ştatları) İsrail və Türkiyənin "Azadlıq donanması" (azadlıq navqanı) ilə bağlı insidentdən (hadisədən) sonra gərginləşən münasibətləri yaxşılaşdıracaq.

GünAz TV mətbuat mərkəzinin “Ans press”-ə istinadən yaydığı məlumata görə, ABŞ Dövlət Departamentinin (xarici işlər nazirliyi) rəsmi nümayəndəsi Viktoriya Nuland bildirib ki, ABŞ BMT-nin (Birləşmiş Millətlər Təşkilatı) insidenti araşdıran xüsusi komissiyasının (Komisiyonun) hesabatını araşdırır. "ABŞ-ın həm İsrail, həm də Türkiyə ilə münasibətləri çoxdan qurulub. Təəssüflənirik ki, bu ölkələr hesabat açıqlanmazdan əvvəl birgə addımlarla bağlı razılığa gələ və fikir ayrılıqlarını aradan qaldıra bilməyiblər. Biz ümid edirik ki, onlar müttəfiqlik münasibətlərini yaxşılaşdırmaq imkanlarını axtarmaqda davam edəcəklər və iki ölkəni hər yolla buna təşviq edəcəyik", - Dövlət Departamenti rəsmisinin bəyanatında deyilir.

Viktoriya Nuland xatırladıb ki, ABŞ əvvəllər dəfələrlə "Azadlıq donanması" ilə bağlı insident nəticəsində bir neçə nəfərin həlak olmasından təəssüfləndiyini bildirib.

Xatırladaq ki, BMT-nin hesabatı açıqlanmadan "New York Times" qəzetində dərc edilib. Bu informasiya sızıntısından sonra Türkiyənin xarici işlər naziri Əhməd Davudoğlu bəyan edib ki, Ankara İsraillə diplomatik əlaqələri minimuma - ikinci katiblər səviyyəsinə endirir və hərbi sahədə əməkdaşlığı dayandırır. Əhməd Davudoğlu hesabatın rəsmən açıqlanmadan mətbuata düşməsindən narazılığını da ifadə edib.

GUNAZ.TV

SON XƏBƏRLƏR