Contact Us

SON XƏBƏRLƏR

Yeni Kütləvi Etirazlara növbəti ÇAĞIRIŞLAR...

2021.10.20, 07:36
Yeni Kütləvi Etirazlara növbəti ÇAĞIRIŞLAR...

Gunaz.tv

GünAz TV: Güney Azərbaycanlılar Urmu Gölü ilə bağlı keçirdikləri Kütləvi  Etiraz Yürüşlərini davam etdirib, yaxın günlərdə bir daha yeni Göstərilər (aksiyalar) nümayiş etdirəcəklər.

 

Bu zəmində Güney Azərbaycanın müxtəlif şəhərlərinin Milli Hərəkat fəalları, bəyanat yayaraq yeni Kütləvi Etirazların həyata keçirilməsinin vacib olduğunu vurğulayıb və keçən Etiraz Yürüşünün İran rejimi tərəfindən zorakılığa məruz qaldığını şiddətlə pisləyiblər.

 

Təbriz azad universitetinin öyrənciləridə bəyanat yayaraq Kütləvi Etirazlara öz dəstəklərini bildirib və Etiraz Yürüşlərində iştirak edəcəklərini vurğulayıblar.

 

Digər tərəfdən Milli Hərəkat fəalları ikinci Bəyanatlarında Təbrizdə keçiriləcək Etiraz Yığıncağını Urmu Yürüşünə uyqunlaşdıraraq, vaxtı dəqiqləşdiriblər. Yeni qərara görə, Təbriz şəhərində keçiriləcək yürüş Urmu ilə eyni vaxtda başlayacaq.

 

Həmçinin Təbrizli Milli Hərəkat fəalları ayrıca bir Bəyanatda, xalqımızı keçiriləcək Etiraz Yürüşlərində aktiv olmağa çağırıblar.

 

 

Keçiriləcək Etiraz Yürüşlərinin vaxtı və zamanı:

Təbriz: Bazar (Ostandari-Rastaküçə arası) / sentyabrın 3-ü (şəhrivərin 12-i), yerli vaxtla saat 18:00

 

Urmu: Urmu şəhəri, Vilayət-i fəqih meydanı, İmam xiyabanı, Ətayi xiyabanı, Besət xiyabanı, Cənubi Xəyyam xiyabanı, Kaşani xiyabanı, Əyalət meydanı   / Sentyabrın 3-ü (şəhrivərin 12-i), yerli vaxtla saat 18:00

SEÇİLMİŞ XƏBƏRLƏR

Çox oxunanlar