Tehran Moskvanın planın (tərhini) bəyənir

SON XƏBƏRLƏR

Tehran Moskvanın planın (tərhini) bəyənir

2021.10.20, 07:36

Gunaz.tv

GünAz TV: İran prezidenti Mahmud Əhmədinejad nüvə proqramında yaranan böhranla bağlı Rusiyanın irəli sürdüyü “mərhələli həll” planını (tərhini) bəyənmişdir.

Bununla bağlı müzakirələr aparmaq üçün İran Xarici İşlər Naziri Əli Əkbər Salehi avqust (August) ayının 16-da Moskvaya getmişdir.

Bu plana əsasən, İran zaman çərçivəsində BAEA-nın İran nüvə proqramı ilə bağlı suallarına cavab verməli və hər bir mərhələdə cavablar qaneedici olduğu halda İrana qarşı sanksiyalar (təhrimlər) getdikcə azaldılmalıdır. İran prezidenti bununla bağlı bildirmişdir ki, İran Sergey Lavrovun mərhələli planın bəyənir və bununla bağlı təkliflərini və əməkdaşlığını irəli sürməyə hazırdır.

Xatırladaq ki, Lavrov BAEA-nın ilk başlanğıcda asan suallarla müraciət etməli olduğunu bildirmişdir: “Sonra isə ağır və cavab verilməsi uzun zamana ehtiyac olan sualları irəli sürməlidir”. Onun sözlərinə görə 5+1 qrupu İranın verdiyi cavablardan razı qaldığı halda hər mərhələdə qarşılıqlı güzəştlər olunmalı və beynəlxalq sanksiyalar azaldılmalıdır.

İran yetkililəri əvvəllər bildirmişdir ki, BAEA-nin bütün suallarına cavab verilmişdir. Buna baxmayaraq avqustun 16-da İran Ali Təhlükəsizlik Şurasının sədri Səid Cəlili Rusiyalı həmkarı Nikolay Patruşevlə Tehranda görüşündə bildirmişdir ki, İran Rusiyanın təklifini qəbul edir. O, vurğulamışdır ki, biz Rusiyalı dostlarımızın təklifini bəyənirik və bu təklif nüvə məsələsində danışıqları irəli aparmaq və əməkdaşlıq üçün yaxşı şərait yarada bilər.

Qeyd edək ki, Rusiya Təhlükəsizlik Şurasının sədri Tehranda İran Xarici İşlər naziri Əli Əkbər Salehi ilə də görüşmüşdür. Elə həmin gün İran Xarici İşlər naziri Sergey Lavrovun dəvəti ilə Rusiyaya səfər etmişdir.

Bu səfər zamanı Salehi İran nüvə məsələsini və mərhələli həll planını da müzakirə edəcək.

İran və Qərb ölkələri sonuncu dəfə bu ilin əvvəllərində İstanbulda görüşmüşdür. Lakin bu müzakirələr nəticəsiz sona çatmışdır. Avropa ölkələri İrandan BMT TŞ-nın (Birləşmiş Millətlər Təşkilatı Təhlükəsizlik Şurasının) qətnamələrini yerinə yetirməsini tələb edir. Bu qətnamələrə əsasən, İran öz nüvə proqramını, xüsusən də uranı zənginləşdirməyi dayandırmalı və müzakirələri davam etdirməlidir. İran isə TŞ-nın qətnamələrini qanunsuz adlandıraraq nüvə fəaliyyətinin davam etdirilməsində təkid edir.

Xatırladaq ki, Qərb ölkələri İranı nüvə silahı əldə etməyə çalışmaqda ittiham edir. Amma İran bu ittihamları qəbul etmir və bildirir ki, onun nüvə fəaliyyətləri tamamilə sülhməramlıdır. Araztm

GUNAZ.TV

SON XƏBƏRLƏR