"Google Maps" Azərbaycana qarşı böyük hörmətsizlik edib

SON XƏBƏRLƏR

"Google Maps" Azərbaycana qarşı böyük hörmətsizlik edib

2021.10.20, 07:36

Gunaz.tv

GünAz TV: Azərbaycanın Xarici İşlər Nazirliyi (XİN) həmvətənləri xüsusilə Dağlıq Qarabağ ərazisində Azərbaycan mənşəli adların göstərilməsi məsələsində fəal olmağa çağırır.

Bu barədə XİN-in mətbuat xidmətinin birinci katibi Elman Abdullayev məlumat verib. "Bu məsələ həmişə Azərbaycan XİN-in diqqət mərkəzindədir və xarici ölkələrdə akkreditə olunmuş səfirliklərlə əlaqələndirilir", - Abdullayev bildirib. "Google Maps"in xəritələrində Azərbaycanın işğal olunmuş əraziləri erməni adları ilə verilib. Dağlıq Qarabağın ərazisində yerləşən Xankəndi, Xocavənd rayon (şəhər, məntəqə) mərkəzləri erməni toponimləri ilə göstərilib. Bundan başqa, Cəbrayıl, Füzuli, Ağdərə, Qubadlı, Ağdam, Zəngilan, Kəlbəcər rayonlarının, eləcə də Laçın şəhər mərkəzinin adları da dəyişdirilib.

Abdullayevin sözlərinə görə, XİN məsələ ilə əlaqədar artıq səfirliklərə müvafiq göstərişlər verib. "Eyni zamanda, qeyd etmək istəyirəm ki, "Google" proqramı istifadəçilər üçün açıqdır və belə proqramlarda Azərbaycan vətəndaşları, media nümayəndələri, xaricdə yaşayan azərbaycanlılar öz tövsiyələrini təqdim edə, fotoşəkillər, Azərbaycanın şəhər və kəndlərinin adlarını yerləşdirə bilər və əlbəttə ki, öz dəyişiklik və əlavələrini edə bilərlər", - XİN rəsmisi deyib. "Ona görə də biz həmvətənlərimizi bu işdə fəal iştirak etməyə və öz dəyişiklik və əlavələrini etməyə çağırırıq", - o qeyd edib.

Dünən həmçinin Rabitə və İnformasiya Texnologiyaları Nazirliyi XİN-i "Google" axtarış sisteminin Azərbaycanın ərazi bütövlüyünə aid səhvi barədə məlumatlandırıb. Bu barədə nazirliyin mətbuat xidmətinin rəhbəri Müşfiq Əmirov deyib. Əmirovun sözlərinə görə, bu, axtarış sisteminin buraxdığı ilk səhv deyil. "Azərbaycanın hər bir vətəndaşı bilavasitə "Google"ya müraciət etməklə öz etirazını bildirə və səhv barədə məlumat verə bilər", - o qeyd edib. AzNET şəbəkəsində mənfi reaksiyaya (əksüləməl) səbəb olan analoji insident (hadisə) 2009-cu ilin avqustunda (August) qeydə alınmışdı. O vaxt Azərbaycanın ABŞ-dakı (Amerika Birləşmiş Ştatlarındakı) səfirliyi "Google"ya "Google Maps" saytında səhvi düzəltmək tələbi ilə müarciət etmişdi. İnternet resursun (mənbə) yaradıcıları Naxçıvan Muxtar Respublikasını (Cümhuriyyəti) Azərbaycanın tərkibində göstərməmişdilər. "Google" şirkətinin rəhbərliyi etiraf etdi ki, "Google Maps" servisi bu yaxınlarda yaradılıb, bəzi səhvlərin olması bununla əlaqədardır. Bütün səhvləri qısa müddət ərzində düzəltmək vəd edilmişdi. Eyni zamanda, "Microsoft" şirkətinə "Microsoft-MSN" portalında buraxılan səhv barədə məlumat verilib. Orada "Hava" bölməsində Dağlıq Qarabağ ölkələr siyahısında ayrıca dövlət kimi göstərilmişdi. "Microsoft"a müraciətdən sonra şirkət Azərbaycanın ayrılmaz tərkib hissəsi kimi Dağlıq Qarabağ haqqında dünya konsensusunu (icma, ictima) göstərmək üçün məlumatlarında düzəliş etdi. Həftə içi

GUNAZ.TV

SON XƏBƏRLƏR