GünAz TV: Ermənistanda 5-ci Panerməni oyunları keçirilir. Bu idman yarışlarına dünyadakı ermənilər qatılırlar.

«Regnum»un məlumatına əsasən, İranın Şahinşəhr şəhərindən gələn futbol klubu eyni qrupda yer aldığı yəhudilərin Qüds klubu ilə oynamaqdan imtina edib.

Ermənistanda çıxın «Haykakan jamanak» qəzeti bunu İranla İsrail arasındakı düşmənliklə əlaqələndirib

Qeyd edək ki, bu yarış avqusutun (August) 13-də başlayıb. Həmin tədbirdə, əsasən həvəskar idmançılar futbol, voleybol, basketbol, tennis, üzgüçülük, şahmat və s. idman oyunları üzrə yarışır.

Ermənistanda çıxan «Epress»in yazdığına görə, Panerməni oyunları təşkilat komitəsinin üzvü, İrandan gələn bütün heyətin başçısı  Alfred Havan adlı bir erməni başçılıq edir. O, baş verənləri «anlaşılmazlıq» adlandırıb: «Ümuiyyətlə, İran klubları israillilərlə görüşlərə qatılmır. Ermənilərdən ibarət İslam Respublikasının (Cümhuriyyətinin) komandası görünür, anlaşılmazlıqdan İsrail klubu ilə oynamaqdan imtina edib. Bundan başqa Qüdsdən gələn ermənilərdir və onlar iki ölkə arasında məsələyə qarışmır.İkincisi, İran hakimiyyəti hesab edir Ki, Qüds xristianların, müsəlmanların və yəhudilərin şəhəridir. Ancaq onların davranışı şəhərin İsrailə aid olduğunu təsdiqləyir. Bu da islam dünyagörüşünə ziddir».

A.Havan əmin edib Ki, İslam Respublikasından gələn erməni klubları bundan sonrakı oyunlarda israilli ermənilərlə yarışacaqlar.

Görünür, İslam Respublikasından gələn ermənilər bir yandan Tehranın xoşuna gəlmək istəsələr də, o biri yandan İsrailə qarşı getməyin də uğurlu olmadığını tez başa düşüblər. Burada deyiblər: «Çox bilmiş quş dimdiyindən ilişər». Bu dəfə erməni xisləti onların xeyirinə işləmədi. Həm İranın, həm də İsrailin qabağında üzləri açıldı. Bu isə çox iyrənc, bir olaya yaltaqlığa çox oxşayır.

İran ermənilərini çaşdıran olay aşağıdakıdır.

Xatırladaq ki, Dünya yəhudi konqresi İranı London yay olimpiya oyunlarından və başqa beynəlxalq idman yarışlarında iştirakdan məhrum etməyə çağırıb. Qurum bildirib ki, İslam Respublikasından olan idmançılar İsraildən olan həmkarlarını «təhqir etməyə dayandırmayanadək» onları möhtəbər beynəlxalq yarışlara buraxmaq olmaz.

Konqresin başçısı Ronald Lauder iranlı idmançının son hərəkətinin «idmançıya yaraşmanya davranışı» adlandararaq, onu «antisemitzmdə» suçlayıb:«İran hakimiyyətinin idman yarışlarını dəfələrlə siyasiləşdirməsi biabırçılıqdır. Bu ölkənin idmançılarının ələn il Londonda keçiriləcək olimpiada kimi beynəlxalq yarışlara buraxmamağın zamanı çatıb».

Qeyd edək ki, iranlı üzgücü Məhəmmədəli Rzai Pekində keçirilən dünya üzrə üzgüçülük yarışında brass üsulu ilə 100 metr məsafəyə ələmə mərhələsində iştirakdan imtina edib. İslam Respublikasından olan rəsmi nümayəndə heyəti bildirib ki, Rzai birdən «qarın boşluğunda kəskin ağırların olduğunu söyləyib».Ancaq mütəxəssislər bunun əsil səbəbinin başqa məsələdə olduğunu bildiriblər.

Məsələ burasındadır ki, İsraildən olan idmançı Qal Nevo da M.Rzai ilə birlikdə üzməli imiş. Çünki iranlı üzgüçü bu sayaq davranışa bir növ adət edib. Baş verən olay ikincidir. Hələ Pekin yay olimpiadasında da M.Rzai İsraildən olan idmançı ilə bir hövuzda yarışmaq istəmədiyini söyləmişdi.

Sədrəddin Soltan