GünAz TV: Türkmənistanla Türkiyə arasında probelmin yaşanacağı ehtimal var. Buna səbəb kimi bu dövlətdə Fətulla Gülən məktəblərinin qapadılması təhlükəsinin olduğu göstərilir.

İran informasiya vasitələrinin yaydığı xəbərə görə, rəsmi Aşqabad bu ölkənin idarəetmə, mədəni qurumlarına girişməyə çalışdığı, saf türkmən gəncləri arasından seçdiyi gəncləri «ABŞ (Amerika Birləşmiş Ştatları) üçün casusluq etmək üçün hazırladığı» «türk məktəbləri» adı altında fəaliyyət göstərən «Fətulla Gülən camaatının» məktəblərini bağlaya bilər.Türkmənistan hakimiyyəti Türkiyənənin «Nur Camaatının» ölkədə dini-siyasi nüfuzunundan duyduğu narahatlıq üzündən 1990-cı ildən bəri fəaliyyət göstərən bu məktəb üzərində  yoxlamalara başlayıb.

Türkmənistan mətbuatının məlumatına əsasən, Aşqabadda yalnız Mustafa Kamal Atatürk adına  «türk məktəbi» adı ilə tanınan məktəb fəaliyyət göstərməkdədir. Ona da şagirdlər təhsilini bitirənədək fəaliyyət göstərməyə icazə verilib. Bu il isə «nurçuların» məktəbinə şagird qəbul edilməyib.

«Yeni nəfəs»-in məlumatına görə, “Nurçular” hərəkatı bu məktəblərdə böyük təsirə malikdirlər və bəzi məzunların Türkmənistanın icraçı vəzifələrinə keçməsinə kömək edirlər. Məzunlardan birinin sözlərinə görə, lisey ən sadiq və ideoloji hazırlanmış məzunlarını Türkmənistanın ən əsas nazirlik və idarələrində – Dövlət Miqrasiya (köş) Xidməti, Narkotiklərlə (müxəddir maddələrlə) Mübarizə Xidməti, Müdafiə Nazirliyi, Milli Təhlükəsizlik Nazirliyi, Daxili Işlər Nazirliyində məsul vəzifələrə rüşvətlə də olsa keçirdir.

Uyğun olay Özbəkistanda da baş verib.Bir neçə il öncə oradakı məktəblər də qapadılmışdı. Rəsmi Daşkənddə bu məktəblərdə «nurçuların» hazırlandığını əsas göstərmişdi.

Baş verənlərdən Tehranın sevinməsi məsələni belə təbliğ etməsi başa düşüləndir. Çünki İran hakimiyyəti Türkmənistanla Türkiyənin yaxınlaşmasını heç istəmir. Hətta ötən ay Aşqabad  İsraildən az qala «İranı sevən səfir» istəmişdi.

Xatırladaq ki, rəsmi Aşqabad  İsrailin bu ölkəyə səfiri təyin olunmuş Xaim Korenin etimadnaməsini qəbuldan imtina etmişdi. Bu Türkmənistanın ikinci imtinasıdır.

Türkmənistan Xarici İşlər Nazirliyi Xaim Korenin «Mossad»a işləyən «İsrail casusu» olduğunu bildirib.

Qeyd edək ki, Xaim Korenin tərcümeyi-halında onun Qlilotda yerləşən Milli Təhlükəsizlik Kollecində 3 il təlimatçı işləməsi də yazılıb. İsrail Xarici İşlər Nazirliyi dəfələrlə türkmən diplomatlara həmin kollecin təhsillə məşğul olduğunu, casus hazırlamadığını izah etməyə çalışsa da, bu səylər nəticə verməyib. Xaim Koren 2010-cu ilin avqustundan bu ölkədə səlahiyyətlərinin icrasına başlaya bilmir.

Türkmənistan rəhbərliyində yer alan şəxslərdən biri israilli diplomatlara deyib ki, Aşqabad ikitərəfli münasibətləri «yaxşılaşdıracaq səfir istəyir, İranla bağlı məlumat toplayacaq casus yox».

Türkmənistan prezidenti Qurbanqulu Berdiməhəmmədova İran istehsalı sayılan bir mühhərikli, iki yerli «Fəcr-3» təyyarəsi də verildi. Həmin hədiyyənin təqdim etmə mərasimi çox böyük təntənə ilə keçmişdi. İran prezidenti Mahmud Əhmədinejad  həddiyyəsini «iki dövlət lideri arasında səmim dostluq, qarşılıq hörmət və anlaşmaya» görə təqdim etdiyini bildirmişdi.

Bu məktəb həm də Türkiyədəki  hakim Ədalət və İnşkişaf Partiyasının bağlı olduğundan belə bir sual yaranır:«Türkmənistan İranla dostluğuna görə Türkiyəyə də İsrailə baxdığı kimi baxır?» Belə bir şərait isə heç şübhəsiz bütün hallarda Tehran hakimiyyətinin xeyrinədir. Çünki pesrpektivdə (çeşməndaz) təklənəcək Q.Berdiməhəmmədov hakimiyyəti Suriya prezidenti Bəşşar Əsəd kimi İranın ümidinə qalacaq…

Sədrəddin Soltan