Erməni ictimai xadimindən haqlı mövqe

SON XƏBƏRLƏR

Erməni ictimai xadimindən haqlı mövqe

2021.10.20, 07:36

Gunaz.tv

GünAz TV: Ermənistan Azərbaycanın ərazi bütövlüyünü qeyd-şərtsiz tanımalı, işğal edilmiş ərazilər Azərbaycana qaytarılmalıdır.

“Dağlıq Qarabağ münaqişəsinin tənzimlənməsi prosesinin (sürəcinin) əsasında Ermənistan Azərbaycanın ərazi bütövlüyü prinsipini (əslini, ilkəsini) qeyd-şərtis tanıması dayanmalı, işğal edilmiş ərazilər isə Azərbaycana qaytarılmalıdır. Bundan sonra Azərbaycan və Ermənistan keçmiş Dağlıq Qarabağ Muxtar Vilayəti ərazisində yaşayan insanların təhlükəsizliyinə və yurd-yuvalarına qayıtmaq istəyən şəxslərin qayıdışına təminat verə bilərlər”. Bu fikirləri “Georgia Online” saytına müsahibəsində erməni rejissor (yönətmən,producer), “Cənubi Qafqaz inteqrasiyası: Alternativ start “ ictimai birliyinin rəhbəri Georqi Vanyan söyləyib.

Ermənistanda tanınmış ictimai xadim olan Vanyan rəsmi İrəvanı öz xalqını girov saxlamaqda ittiham edib. Onun fikrincə, Ermənistan hakimiyyətinin hazırkı siyasəti Azərbaycanla sülhə nail olmağa imkan verimir və buna görə bu siyasəti kökündən dəyişmək lazımdır. Georqi Vanyan habelə Ermənistanın Rusiya ilə forpost münasibətlərinin Qərb aləmi ilə əlaqələri inkişaf etdirməyi əngəllədiyini deyib.

Erməni rejissorun bu açıqlaması İrəvanda qalmaqala səbəb olub. Yerli gənclərin bir qrupunu təmsil edən “Susmayaq “ təşkilatı erməni hüquq-mühafizə orqanlarına müraciət edərək “vətənini satmağa hazır olan” Vanyan barəsində cinayət işi başlamağa çağırıb. Qurumu daha çox Vanyanın işğal edilmiş torpaqları Azərbaycana qaytamaq çağırışı narazı salıb. Ermənistandakı bəzi KİV-lərdədə (Kütləvi İnformasiya Vasitələri) Vanyana qarşı kampaniya başlayıb. Lakin rejissoru müdafiə edənlər də var. “Helsinki Vətəndaş Assambleyasnın” (Helsinki Vətəndaş Məclisinin) Ermənistan Milli Komitəsi Vanyanın öz fikirlərini söyləməkdə sərbəst olduğunu bəyan edib. APA

GUNAZ.TV

SON XƏBƏRLƏR