PKK yenidən İranı hədələyib

SON XƏBƏRLƏR

PKK yenidən İranı hədələyib

2021.10.20, 07:36

Gunaz.tv

GünAz TV:PKK terror təşkilatının rəhbərliyi PJAK yaraqlılarının geri çəkildiyini və İran sərhədinə yaxın bölgələrə PKK qüvvələri yerləşdirməyə başladıqlarını açıqlayıb.

Düşərgələri Qəndil dağında yerləşən PKK terror təşkilatının lideri Murat Karayılan qurumun İrandakı qolu PJAK-a qarşı keçirdiyi əməliyyatların dayandırdığını söyləyərək, "Əgər İran hücumlarını təkrar başlamazsa, biz də hücum etməyəcəyik", - deyib. "Milliyet" qəzetinin verdiyi xəbərə görə, PKK rəhbəri Karayılan İranın PJAK-a hücum etməsi ilə bağlı bunları söyləyib: "Məqsəd Qəndili işğal etməkdir. İrana PJAK yox, PKK cavab verəcək". Karayılan PJAK yaraqlılarının geri çəkildiyini və İran sərhədinə yaxın bölgələrə PKK qüvvələri yerləşdirməyə başladıqlarını da açıqlayıb.

Terror təşkilatına yaxın "Fırat" xəbər agentliyinə (ajansına) müsahibə verən Karayılan deyib ki, İranın PJAK-a qarşı əməliyyatlarını ABŞ (Amerika Birləşmiş Ştatları) hökuməti də müəyyən mənada dəstəkləyib. Karayılan 2 həftə sürən qarşıdurmaların son bir həftədir azaldığını bildirib: "İranla həmsərhəd bölgələrdə artıq PJAK olmayacaq. Bu İranı yeni bir hücuma təhrik etməmək üçün təktərəfli olaraq alınmış bir tədbirdir və ümid edirəm, İran tərəfindən də diqqətə alınacaq".

Elə bu arada PJAK-la bağlı İran rəsmilərinin dilindən məlumat yayılıb. "İndi elə vəziyyət yaranıb ki, PJAK terror qruplaşması parçalanmaq təhlükəsi ilə üz-üzə qalıb". "IribNews"in məlumatına əsasən, bu barədə hökumətin növbəti iclasından sonra İran kəşfiyyatının rəhbəri, informasiya naziri höccətülislam Heydər Möslehi bildirib. Onun sözlərinə görə, terrorçu qruplaşmanın İran ərazisində həyata keçirməyi planlaşdırdığı terror aktlarının (əməllərinin) çoxunun qarşısı alınıb: "İslam İnqilabı Mühafizəçiləri Korpusunun (SEPAH) həyata keçirdiyi əməliyyatlar nəticəsində qruplaşmanın əsas hissəsi məhv edilib". Həftə içi

GUNAZ.TV

SON XƏBƏRLƏR