Tehran-Ankara münasibətləri pisləşir?

SON XƏBƏRLƏR

Tehran-Ankara münasibətləri pisləşir?

2021.10.20, 07:36

Gunaz.tv

GünAz TV: Suriyadakı proseslər İranla Türkiyə arasındakı münasibətlərin pisləşməsinə səbəb ola bilər.

Belə ki, Suriyada öldürülən mülki şəxslərin sayının artmasına paralel (muvazi) olaraq Türkiyə bu ölkədə müəyyən islahatlarla bağlı təkliflərlə çıxış edərkən İran tərəfinin sərt tənqidlərinə məruz qalmışdır.

İran mediası Türkiyəni Suriya ilə bağlı istənilən addımlarına görə tənqid etməyi adətə çevirmişdir. Belə ki, Türkiyədə Suriya ilə bağlı istənilən toplantı, xarici ölkə nümayəndələri ilə müzakirə, verilən hansısa bəyanat, edilən təşəbbüs, hətta Türkiyənin qapılarını suriyalı qaçqınlara açması belə İran tərəfini qıcıqlandırmağa kifayət edir. İranın rəsmi və yarı-rəsmi mətbu orqanlarında Türkiyə gah qonşusunun daxili işlərinə müdaxilə etməkdə, gah başqalarının (daha çox Amerika nəzərdə tutulur) istəklərini reallaşdırmaqda günahlandırılır. Bütün dünyanın diqqətlə izlədiyi Türkiyə Xarici İşlər naziri Davutoğlunun Suriya səfəri də bu tənqid siyasətindən yan keçməmişdir.

Öz növbəsində türk mediası da bu proseslərə (sürəclərə) daha sərt reaksiya (əksüləməl) verməyə başlamışdır. İqtidara yaxın “Zaman” qəzeti İranı ikiüzlülüklə ittiham etmişdir. Qəzet Ermənistanın Azərbaycan ərazilərini işğal edərkən İranın tutduğu mövqeyi yada salaraq İranın öz din və məzhəb qardaşlarına kömək etmədiyini, əksinə Ermənistanın tərəfini tutmasını sərt tənqid etmişdir.

Əslində İranın qonşularının daxili işlərinə qarışmamaq barədəki fikirlərinin də nə qədər əsassız olduğu yeritdiyi siyasətdən aydın görünür. Qonşularına rejim ixracı ilə bağlı dünyanın hədəfində olan, İraq və Suriyadakı proseslərdə üstünə götürdüyü rollarla bağlı ortada xeyli fakt (sübut, gərçək) olan bir ölkənin başqalarına “daxili işlərə müdaxilə etməmə” dərsi keçməyə çalışması absurddur (puçdur). Amma nüvə problemi ilə bağlı dünya qarşısında sığındığı bir ölkə kimi Türkiyəyə hücumları İran üçün yeni başağrısından başqa bir şey də gətirməyəcək. Azartm

GUNAZ.TV

SON XƏBƏRLƏR