Contact Us

SON XƏBƏRLƏR

İngiltərəni iğtişaşlar bürüyür

2021.10.20, 07:36
İngiltərəni iğtişaşlar bürüyür

Gunaz.tv

GünAz TV: Ötən gecə İngiltərə boyunca bir neçə şəhərdə zorakılıq baş verib. Londonda isə əsasən sakitlik hökm sürüb.

Mançester, Salford, Nottingem və Birmingem şəhərlərində iğtişaşlar olub, mağazalar yarılıb və yandırılıb.

3 kişini Birmingemdə maşın vurub və onlar ölüblər. Yerlilər onların hadisədən əvvəl məhəlləni qoruduğunu bildirib.

GünAz TV mətbuat mərkəzinin BBC-yə istinadən yaydığı məlumata görə, Mançesterətrafı ərazinin polis rəsmisi işçilərin gözlənilməz səviyyədə zorakılıqla üzləşdiklərini bildiriblər.

London Meri Boris Conson hökuməti büdcəni kəsərək polisin sayını azaltmaq barədə planlarına (tərhlərinə) yenidən baxmağa çağırıb.

 

Məlumatlara görə, polisə iğtişaşçıları qovarkən rezin güllələrdən istifadə etmək icazəsi verilib.

 

Polis rəsmisi Qarry Şevan deyib ki, o öz karyerasında (iş həyatında) ilk dəfə belə tükürpərdici səhnələrlə üzləşib.

 

"Yüzlərlə insan, bizdə sizin şəkilləriniz var, sizin cinayət işlərinizin videoyazısı var. Biz gəlirik, bu gündən başlayaraq və nə qədər çəkəcəyindən asılı olmayaraq, biz cavabdehləri həbs edəcəyik" - o, iğtişaş iştirakçılarına müraciətlə belə deyib.

Ötən gecə Mançester və Salford ərazisində 113 adam həbs olunub. Bu şəhərlərdə yüzlərlə gənc mağazaları yarıb, maşınlara və binalara od vurub.

 

Birmingem, Wolverhampton və West Bromwich ərazilərində iğtişaşlardan sonra 109 adam həbs olunub və 23 nəfərə ittiham oxunub.

 

Bütün İngiltərə boyunca həbs olunanların sayı 768 nəfərdir, onlardan 111-ə ittiham oxunub.

Futbol olmayacaq

Davam edən iğtişaşlar ucbatından İngiltərə Futbol Assosiasiyası (federasiyonu) çərşənbə gününə təyin olunmuş İngiltərə və Hollandiya yığmaları arasında yoldaşlıq görüşünü təxirə salıb.

 

Matç Londonun qərbində yerləşən Wembley stadionunda keçirilməli idi. Oyun üçün 70 000-ə yaxın bilet satılıb.

 

İngiltərə yığmasının oyunçuları Wayne Rooney və Rio Ferdinand Twitterdə iğtişaş təşkilatçılarını "zorakılığa son qoymağa" və "sakitləşməyə" çağırıb.

SEÇİLMİŞ XƏBƏRLƏR

Çox oxunanlar